تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مجموع طاقة الحركة وطاقة الوضع لجسم يسقط رأسيًّا عند نقطة معطاة

أحمد لطفي

جسم كتلته ٢٠ كجم سقط من ارتفاع ٤٢٫٣ م فوق سطح الأرض. أوجد مجموع طاقة حركته وطاقة وضعه بالنسبة إلى الأرض بعد ثانيتين من سقوطه، علمًا بأن د = ٩٫٨ م/ث^٢.

٠٥:٠٣

‏نسخة الفيديو النصية

جسم كتلته عشرين كيلوجرام سقط من ارتفاع اتنين وأربعين وتلاتة من عشرة متر فوق سطح الأرض. اوجد مجموع طاقة حركته وطاقة وضعه بالنسبة إلى الأرض بعد ثانيتين من سقوطه، علمًا بأن د بتساوي تسعة وتمنية من عشرة متر عَ الثانية تربيع.

في البداية طاقة حركة الجسم هتساوي نص مضروبة في الكتلة مضروبة في مربع السرعة. وطاقة وضعه هتساوي الكتلة مضروبة في عجلة الجاذبية مضروبة في الارتفاع. معطى عندنا كتلة الجسم بعشرين كيلوجرام. ومعطى عندنا الارتفاع اللي سقط منه الجسم. وبما إننا محتاجين نوجد مجموع طاقة حركة الجسم وطاقة وضعه بالنسبة للأرض بعد ثانيتين من سقوطه، يبقى محتاجين نوجد ارتفاع الجسم من سطح الأرض بعد ثانيتين من سقوطه. ومعطى عندنا عجلة الجاذبية. ومحتاجين نوجد أيضًا سرعة الجسم بعد ثانيتين من سقوطه.

في البداية عشان نقدر نوجد سرعة الجسم بعد ثانيتين من سقوطه، ممكن نستخدم إن ع اللي هي سرعة الجسم النهائية، بتساوي ع صفر اللي هي سرعة الجسم الابتدائية، زائد د اللي هي عجلة الجاذبية الأرضية مضروبة في ن اللي هو الزمن. يعني ع هتساوي … ع صفر اللي هي سرعة الجسم الابتدائية كانت بتساوي صفر، زائد د هنعوّض عنها بتسعة وتمنية من عشرة، مضروبة في ن هنعوّض عنها باتنين. وبالتالي ع اللي هي سرعة الجسم بعد ثانيتين من سقوطه كانت بتساوي تسعتاشر وستة من عشرة متر عَ الثانية. يبقى كده قدرنا نوجد سرعة الجسم بعد ثانيتين من سقوطه.

لو عايزين نوجد ارتفاع الجسم بعد ثانيتين من سقوطه، ممكن نستخدم إن ف اللي هي المسافة، بتساوي ع صفر اللي هي السرعة الابتدائية، مضروبة في ن اللي هو الزمن، زائد نص في د اللي هي عجلة الجاذبية الأرضية مضروبة في ن تربيع اللي هو الزمن تربيع. وبالتالي ف هتساوي ع صفر اللي هي السرعة الابتدائية كانت بتساوي صفر، مضروبة في الزمن اللي هو كان اتنين؛ زائد نص، مضروبة في … د هنعوّض عنها بتسعة وتمنية من عشرة، مضروبة في … الزمن تربيع اللي هي اتنين تربيع. يعني المسافة هتساوي تسعتاشر وستة من عشرة متر. وبالتالي ارتفاع الجسم عن الأرض بعد ثانيتين من سقوطه كان تسعتاشر وستة من عشرة متر.

وبالتالي لو عايزين نوجد طاقة حركة الجسم، فهتساوي نص مضروبة في الكتلة، معطى إن الكتلة بعشرين كيلوجرام، مضروبة في مربع السرعة. السرعة عندنا بعد ثانيتين من سقوط الجسم كانت تسعتاشر وستة من عشرة، فهيكون عندنا تسعتاشر وستة من عشرة تربيع. يعني طاقة الحركة هتساوي نص في عشرين في تسعتاشر وستة من عشرة تربيع. يعني طاقة الحركة هتساوي تلات آلاف تمنمية واحد وأربعين وستة من عشرة جول. يبقى كده قدرنا نوجد طاقة حركة الجسم.

لو عايزين نوجد طاقة وضع الجسم، فطاقة الوضع هتساوي الكتلة … معطى إن كتلة الجسم عشرين كيلوجرام، في عجلة الجاذبية … مُعطى إنها بتساوي تسعة وتمنية من عشرة، في الارتفاع. قدرنا نوجد ف اللي هي المسافة اللي تحركها الجسم، وكانت بتساوي تسعتاشر وستة من عشرة. ومُعطى عندنا إن الجسم سقط من ارتفاع اتنين وأربعين وتلاتة من عشرة متر. وبالتالي لو محتاجين نوجد ارتفاع الجسم بعد ثانيتين من سقوطه فوق سطح الأرض. هنطرح ارتفاع الجسم قبل السقوط اللي هو كان اتنين وأربعين وتلاتة من عشرة متر. ناقص المسافة اللي اتحركها الجسم اللي هي تسعتاشر وستة من عشرة متر.

يبقى طاقة الوضع تساوي عشرين وتسعة وتمنية من عشرة، في اتنين وأربعين وتلاتة من عشرة، ناقص تسعتاشر وستة من عشرة. يعني طاقة الوضع هتساوي أربعة آلاف ربعمية تسعة وأربعين واتنين من عشرة جول. ويبقى كده قدرنا نوجد طاقة الوضع للجسم.

وبالتالي مجموع طاقة حركة الجسم وطاقة وضع الجسم هتكون … هنكتب طاقة الحركة اللي هي تلات آلاف تمنمية واحد وأربعين وستة من عشرة جول. زائد طاقة الوضع اللي هي أربعة آلاف ربعمية تسعة وأربعين واتنين من عشرة جول. وبالتالي مجموع طاقة حركة الجسم وطاقة وضعه هتساوي … وبالتالي مجموع طاقة حركة الجسم وطاقة وضعه هتساوي تمان تلاف ميتين وتسعين وتمنية من عشرة جول. ويبقى كده قدرنا نوجد مجموع طاقة حركة الجسم وطاقة وضعه، وكانت بتساوي تمان تلاف ميتين وتسعين وتمنية من عشرة جول.