تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: معرفة عوامل الأعداد حتى ١٠٠

غادة عليوة

أيُّ عددين من الأعداد الآتية من عوامل العدد ٤٦؟

٠١:٤٢

‏نسخة الفيديو النصية

أي عددين من الأعداد الآتية من عوامل العدد ستة وأربعين؟

لو بصينا على مجموعة الأعداد الموجودة قدامنا في المستطيل البرتقالي ده، هنلاقي إن عندنا خمس أعداد. عندنا سبعة، وتلاتة، واتنين، واتنين وتسعين، وستة وأربعين. خلينا نحلّل العدد ستة وأربعين لعوامله الأولية، ونشوف إيه العوامل بتاعته. ستة وأربعين عدد زوجي؛ يعني يقبل القسمة على اتنين. أربعة عَ الاتنين فيها الاتنين، وستة عَ الاتنين فيها التلاتة. تلاتة وعشرين ده عدد فردي؛ يعني ما يقبلش القسمة على اتنين. طب عايزين نشوف بيقبل القسمة على تلاتة ولا لأ. هنجمع الرقمين اللي بيتكوّن منهم ونشوف بيقبلوا القسمة على تلاتة ولا لأ. تلاتة زائد اتنين يساوي خمسة. خمسة لا تقبل القسمة على تلاتة بدون وجود باقي. فيبقى ما يقبلش القسمة على تلاتة. إحنا هنلاقي إن تلاتة وعشرين ده عدد أوّلي ما يقبلش القسمة غير على نفسه وعَ الواحد. فيبقى هنقسم على تلاتة وعشرين؛ يبقى ناتج القسمة واحد.

يعني كده نقدر نقول إن ستة وأربعين ممكن تبقى حاصل ضرب واحد في ستة وأربعين. وممكن تبقى حاصل ضرب اتنين في تلاتة وعشرين. يعني ممكن تبقى عواملها واحد، وستة وأربعين، واتنين، وتلاتة وعشرين. عايزين نبص بقى على المستطيل البرتقالي اللي عندنا، والأعداد اللي بداخله. هنلاقي إن عوامل العدد ستة وأربعين من بين الأعداد اللي بداخل المستطيل هي اتنين وستة وأربعين. أما سبعة، وتلاتة، واتنين وتسعين؛ فدول مش من عوامل العدد ستة وأربعين. فتبقى الإجابة إن اتنين وستة وأربعين هم دول العددين اللي من عوامل العدد ستة وأربعين.