تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: فكُّ المقادير الجبرية وتبسيطها

أحمد لطفي

اختصر لأبسط صورة ٦ ﺱ (ﺱ^٦ + ﺹ) − ﺹ (٦ ﺱ − ﺹ^٦) + ٦ (ﺹ^٧ − ﺱ^٧).

٠٢:٢١

‏نسخة الفيديو النصية

اختصر لأبسط صورة: ستة س مضروبة في س أُس ستة زائد ص، ناقص ص مضروبة في ستة س ناقص ص أُس ستة، زائد ستة مضروبة في ص أُس سبعة ناقص س أُس سبعة.

في البداية هنضرب كل حد جبري في المقدار الجبري اللي موجود بداخل القوس اللي مضروب فيه؛ يعني المقدار عندنا هنكتبه مرة كمان فهيكون بالشكل ده، يبقى المقدار الجبري هيساوي: هنضرب ستة س في س أُس ستة، هيساوي ستة س أُس سبعة، وهنضرب ستة س في ص، هيساوي ستة س ص، وهنضرب سالب ص في ستة س، هيساوي سالب ستة س ص، ‏ وهنضرب سالب ص في سالب ص أُس ستة، هيساوي موجب ص أُس سبعة، ‏ وهنضرب ستة في ص أُس سبعة، هيساوي ستة ص أُس سبعة، وهنضرب ستة في سالب س أُس سبعة، هيساوي سالب ستة س أُس سبعة؛ يعني المقدار هيساوي ستة س أُس سبعة، زائد ستة س ص، ناقص ستة س ص، زائد ص أُس سبعة، زائد ستة ص أُس سبعة، ناقص ستة س أُس سبعة. هنستخدم خاصيتى الإبدال والدمج عشان نغير ترتيب الحدود ونجمّع الحدود المتشابهة، هنلاحظ إن عندنا ستة س أُس سبعة وسالب ستة س أُس سبعة هما حدود متشابهة، وعندنا ستة س ص وسالب ستة س ص هما حدود متشابهة، وعندنا ص أُس سبعة وستة ص أُس سبعة هما حدود متشابهة؛ وبالتالي المقدار هيساوي ستة س أُس سبعة ناقص ستة س أُس سبعة، زائد ستة س ص ناقص ستة س ص، زائد ص أُس سبعة زائد ستة ص أُس سبعة؛ وبالتالي المقدار هيساوي سبعة ص أُس سبعة. ويبقى المقدار بعد الاختصار في أبسط صورة كان بيساوي سبعة ص أُس سبعة.