فيديو: إيجاد قيم الحدود المجهولة بمساواة المعاملات

أكمل ٤ﺱ^٢ ﺹ^٣(_ + _ − ٢ﺱ^٣) = −١٢ﺱ^٤ ﺹ^٦ + ١٢ﺱ^٢ ﺹ^٦ + _.

٠٤:١٢

‏نسخة الفيديو النصية

أكمل: أربعة س تربيع ص أُس تلاتة في، شرطة زائد شرطة ناقص اتنين س أُس تلاتة. تساوي سالب اتناشر س أُس أربعة ص أُس ستة زائد اتناشر س تربيع ص أُس ستة زائد شرطة.

المطلوب هو إيجاد التعبيرات الجبرية اللي مكان الشُّرط اللي إحنا شايفينها في السؤال دي. من خاصية التوزيع بنلاقي عندنا لو أ مضروبة في ب زائد ج، أو مطروحة؛ أيًّا كان العملية الحسابية داخل القوس. فبنلاقي إن يمكن توزيع الـ أ على الجمع، أو على الطرح كالتالي. الناتج بيكون أ في ب، زائد أ في ج.

بنرجع للسؤال عندنا. يبقى أربعة س تربيع ص أُس تلاتة، هيتمّ توزيعها داخل القوس على كل حد داخل القوس هتِضْرب فيه. وبالتالي لو جينا نشوف أول حد اللي مكانه شرطة ده. أربعة س تربيع ص أُس تلاتة هتتضرب في الحد ده، الناتج هيكون سالب اتناشر س أُس أربعة ص أُس ستة. وبالتالي يبقى الحد المفقود هيكون عبارة عن ناتج قسمة سالب اتناشر س أُس أربعة ص أُس ستة. على أربعة س تربيع ص أُس تلاتة. بنقسم البسط والمقام على أربعة. يبقى سالب اتناشر على الأربعة الناتج بيكون سالب تلاتة. وأربعة على الأربعة الناتج بيكون بواحد.

لو كان عندنا أ أُس م، على أ أُس ن، وَ أ لا تساوي صفر. بنلاقي إن الناتج هيساوي أ أُس م ناقص ن؛ يعني بنطرح الأُسس. وبالتالي يبقى الناتج هيكون عبارة عن سالب تلاتة … س أُس أربعة، على س أُس اتنين، يبقى الناتج س أُس أربعة ناقص اتنين. وَ ص عندنا أُس ستة، على ص أُس تلاتة، يبقى الناتج ص أُس ستة ناقص تلاتة. يبقى الناتج هيساوي سالب تلاتة س تربيع ص أُس تلاتة.

بنفس الطريقة هنوجد الحد التاني. فبنلاقي إن الحد التاني هيكون عبارة عن ناتج قسمة اتناشر س أُس اتنين ص أُس ستة. على أربعة س تربيع ص أُس تلاتة. بنقسم البسط والمقام على أربعة. يبقى اتناشر على الأربعة الناتج بيكون تلاتة. وأربعة على الأربعة الناتج بيكون بواحد. يبقى الناتج هيساوي تلاتة س … س تربيع على س تربيع، يبقى الناتج س أُس اتنين ناقص اتنين. وَ ص أُس ستة، على ص أُس تلاتة، يبقى الناتج ص أُس ستة ناقص تلاتة. يبقى تساوي تلاتة … س أُس اتنين ناقص اتنين، يبقى س أُس صفر. ص أُس تلاتة. س أُس صفر الناتج بيكون بواحد، وبالتالي يبقى النتيجة النهائية هتبقى عبارة عن تلاتة ص أُس تلاتة.

بنشوف الحد الناقص الأخير المطلوب تكملته، بنلاقي إنه في النتيجة. يعني عبارة عن ناتج ضرب أربعة س تربيع ص أُس تلاتة، في ناقص اتنين س أُس تلاتة. يبقى بنكتب كده أربعة س تربيع ص أُس تلاتة مضروب في سالب اتنين س أُس تلاتة. أربعة في سالب اتنين، بسالب تمنية. ومن قوانين الأُسس أيضًا، بنلاقي عندنا إن أ أُس م في أ أُس ن، الناتج بيكون أ أُس م زائد ن. يبقى عندنا س تربيع في س أُس تلاتة، الناتج هيكون عبارة عن س أُس اتنين زائد تلاتة. وَ ص أُس تلاتة، يبقى في ص أُس تلاتة. يبقى الناتج هيساوي سالب تمنية س أُس خمسة ص أُس تلاتة.

وبكده يبقى المقادير الناقصة عبارة عن: سالب تلاتة س تربيع ص أُس تلاتة. وتلاتة ص أُس تلاتة. وسالب تمنية س أُس خمسة ص أُس تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.