فيديو: استخدام خاصية الإبدال لكتابة جملتَيْ جمع تُطابِقان مسألة كلامية

يوجد ١١ قطة سوداء و٦ قطط بيضاء للبيع. العدد الكلي للقطط هو ١١ + ٦ = ١٧. أيٌّ من التالي جملة جمع أيضًا لعدد القطط؟ [أ] ١١ + ١٧ = ٦ [ب] ٦ + ١٧ = ١١ [ج] ٦ + ١١ = ١٧

٠١:٥٩

‏نسخة الفيديو النصية

يوجد حداشر قطة سوداء وست قطط بيضاء للبيع. العدد الكلي للقطط هو حداشر زائد ستة تساوي سبعتاشر. أيّ من التالي جملة جمع أيضًا لعدد القطط؟ حداشر زائد سبعتاشر تساوي ستة. ولّا ستة زائد سبعتاشر تساوي حداشر. ولّا ستة زائد حداشر تساوي سبعتاشر.

السؤال ده يُعتبر تطبيق على خاصية الإبدال. إيه هي خاصية الإبدال؟ خاصية الإبدال بتقول لنا إننا لو بدّلنا عددين مكان بعض، وهمّ مجموعين؛ مش هيغير في النتيجة. يعني إيه؟ يعني لمّا نقول اتنين زائد تلاتة، اللي هي تساوي خمسة. هي هيّاها لو بدّلناهم مكان بعض وجبنا التلاتة مكان الاتنين، برضو هتساوي خمسة. ده باختصار خاصية الإبدال.

طيب، عندنا بقى في السؤال بتاعنا؛ مدّينا حداشر قطة لونهم أسود، وجمع عليهم ست قطط لونهم أبيض. عشان كده قال لنا إيه؟ حداشر زائد ستة، تساوي سبعتاشر. اللي هي دي الجملة اللي هو قالها. وعايزين ندور على جمله جمع بتساوي الكلام ده.

طيب هو كان بيقول لنا حداشر زائد ستة. فيها حاجة لو قُلناها إحنا ستة زائد حداشر؟ لأ طبعًا. هو هنا بدأ بالقطط السودا، وجمع عليها البيضا. إحنا هنبدأ بالبيضا ونجمع عليها السودا. هي البيضا كام؟ البيضا ستة. زائد القطط السودا؟ حداشر. بتساوي كام؟ سبعتاشر.

يبقى جملة الجمع دي هي هيّاها أو بتساوي جملة الجمع دي. طيب هي دي بقى أي اختيار؟ لو بصّينا في الاختيارات، هنلاقيها الاختيار ده: ستة زائد حداشر تساوي سبعتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.