فيديو: تحليل المقادير الجبرية

حلل العامل المشترك الأكبر لإعادة كتابة المقدار ٢^(ﺹ + ٣) − ٨.

٠١:٤٤

‏نسخة الفيديو النصية

حلّل العامل المشترك الأكبر لإعادة كتابة المقدار: اتنين أُس ص زائد تلاتة، ناقص تمنية.

أول حاجة هنكتب المقدار اللي عندنا مرة كمان، والمقدار هو: اتنين أُس ص زائد تلاتة، ناقص تمنية. بالنسبة لاتنين أُس ص زائد تلاتة فهو عبارة عن حاصل ضرب قوتين أساسهم هو: اتنين. وده لأننا لمَّا بنضرب قوتين ليهم نفس الأساس بنجمع الأُسّين بتوعهم.

بمعنى لو عندنا عدد حقيقي هو: أ، وأيّ عددين صحيحين هم: م، وَ ن. فهيبقى أ أُس م، في أ أُس ن؛ يساوي أ أُس م زائد ن. ده معناه إن هيبقى اتنين أُس ص زائد تلاتة؛ يساوي اتنين أُس ص، في اتنين أُس تلاتة.

بكده هيبقى المقدار: اتنين أُس ص زائد تلاتة، ناقص تمنية؛ يساوي اتنين أُس ص، في اتنين أُس تلاتة؛ ناقص تمنية. وبما إن اتنين أُس تلاتة يساوي تمنية. فمعنى كده إن المقدار: اتنين أُس ص زائد تلاتة، ناقص تمنية؛ يساوي اتنين أُس ص، في تمنية؛ ناقص تمنية.

بعد كده هنلاحظ إن إحنا نقدر نخرّج التمنية كعامل مشترك أكبر. فلمَّا هنخرّج العامل المشترك الأكبر، اللي هو تمنية. هيبقى المقدار: اتنين أُس ص زائد تلاتة، ناقص تمنية، يساوي تمنية في؛ اتنين أُس ص، ناقص واحد.

وبكده يبقى إحنا أعدنا كتابة المقدار: اتنين أُس ص زائد تلاتة، ناقص تمنية؛ من خلال التحليل بإخراج العامل المشترك الأكبر. وهو ده المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.