فيديو: فهم القيمة المكانية عند مقارنة الأعداد

هل ٥ + ٢ + ١< أو = أو >٥٢١؟

٠٢:٠١

‏نسخة الفيديو النصية

هل خمسة زائد اتنين زائد واحد، أصغر من، أو يساوي، أو أكبر من خمسمية واحد وعشرين؟

عايزين نقارن بين خمسة زائد اتنين زائد واحد، وبين خمسمية واحد وعشرين. أول حاجة عندنا العدد خمسمية واحد وعشرين. عايزين نعرف القيمة المكانية لكلٍّ من الواحد، والاتنين، والخمسة في العدد خمسمية واحد وعشرين.

أول حاجة، واحد في خانة الآحاد. والقيمة المكانية للعدد واحد في خانة الآحاد، هي واحد. وعندنا اتنين في خانة العشرات. والقيمة المكانية للعدد اتنين في خانة العشرات، هو عشرين. وبعد كده عندنا خمسة في خانة المئات. والقيمة المكانية للعدد خمسة في خانة المئات، هي خمسمية. يبقى العدد عندنا عبارة عن واحد، زائد عشرين، زائد خمسمية.

يبقى إحنا دلوقتي هنقارن بين خمسة زائد اتنين زائد واحد، وبين واحد زائد عشرين زائد خمسمية. عندنا خمسة زائد اتنين زائد واحد، دي عبارة عن أعداد مجموعة. بس الأعداد دي في خانة الآحاد. لكن واحد زائد عشرين زائد خمسمية … هنا عندنا عدد في خانة الآحاد، وعدد في خانة العشرات، وعدد في خانة المئات.

يبقى نقدر نقول إن خمسة زائد اتنين زائد واحد، أصغر من واحد زائد عشرين زائد خمسمية. عشان العدد الأول هيبقى مكوّن من خانة واحدة بس، وهي خانة آحاد. لكن العدد التاني فيه خانة آحاد، وفيه خانة عشرات، وفيه خانة مئات. يبقى الإجابة بتاعتنا هي: علامة أصغر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.