تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: كتابة مقدار أسي لتمثيل نموذج النمو الأسي

سوزان فائق

يزداد عدد البكتيريا في معمل أربع مرات كلَّ ساعة. كان هناك ٢٠٠ كائن بكتيري في البداية. اكتب مقدارًا ﺏ(ﻥ) يُعبِّر عن عدد البكتيريا بعد ﻥ ساعة من القياس المبدئي.

٠١:٥٩

‏نسخة الفيديو النصية

يزداد عدد البكتيريا في معمل أربع مرات كل ساعة. كان هناك ميتين كائن بكتيري في البداية. اكتب مقدارًا ب ن يعبّر عن عدد البكتيريا بعد ن ساعة من القياس المبدئي.

معنى الكلام اللي بيقوله ده، إن في البداية خالص، اللي هي لمّا كانت الـ ن هتساوي صفر، إن إحنا لسه ما وصلناش لعدد ساعات؛ كان العدد ب ن بيساوي ميتين. ولمّا بقت ساعة، المفروض إن هو هيتضاعف أربع مرات، يعني الـ ب ن هتتضرب في أربعة. والـ ن لمّا هتساوي الاتنين، يبقى الـ ب ن هتساوي الميتين في أربعة، وكمان في أربعة. يعني دي مقابلة لدالة من دوال النمو الأسي، واللي هي بتبقى بالشكل: ب لـ ن هتساوي أ، ده القيمة اللي بدأ بيها، مضروبة في المعدل اللي هو كل شوية أربعة، يعني بيتضرب في أربعة أربع مرات، أُس عدد الساعات اللي هو ن؛ لأن هنا لمّا الـ ب ن بتساوي ميتين، كانت الأربعة أُس صفر، والـ ب ن تساوي ميتين في أربعة لأربعة أُس واحد، والـ ب ن تساوي ميتين في أربعة في أربعة، يعني ميتين في أربعة أُس اتنين، وهكذا.

يبقى الدالة دي علشان نكتبها على شكل مقدار، يبقى ب ن هيساوي … الـ أ قيمتها ميتين، في الأربعة أُس الـ ن. وهو ده المقدار اللي بيعبّر عن عدد البكتيريا بعد ن ساعة من القياس المبدئي.