فيديو: إيجاد قيمة التكامل المحدد لدالة جذرية

أوجد قيمة ∫(_١٦)(^١٨) جذر (٣/ﻉ)‎ ‎دﻉ.

٠٢:١٦

‏نسخة الفيديو النصية

اوجد قيمة التكامل المحدود من ستاشر إلى تمنتاشر، للجذر التربيعي لتلاتة على ع، د ع.

التكامل ده عبارة عن … حدوده ستاشر لتمنتاشر. وبنكامل بالنسبة للـ ع. الجذر التربيعي لتلاتة على ع، هي عبارة عن جذر التربيعي لتلاتة، على الجذر التربيعي لِـ ع. الجذر التربيعي لِـ ع، هي هياها ع أُس نص. ع أُس نص في المقام، تطلع في البسط بإشارة مخالفة للأُس. فهيبقى التكامل ده عبارة عن تكامل من ستاشر لتمنتاشر، للجذر التربيعي لتلاتة، في ع أُس سالب نص. وهنكامل بالنسبة للـ ع.

لمّا هنكامل، الجذر التربيعي لتلاتة هناخدها برّه. ع أُس سالب نص، هنزوّد أُسّها واحد، ونقسم على الأُس الجديد. فهتبقى ع أُس نص، على الأُس الجديد اللي هو نص. وهنعوّض بحدود التكامل، من ستاشر لتمنتاشر. مرة هنعوّض بالـ ع بتساوي تمنتاشر، ومرة بالـ ع تساوي ستاشر، وهنطرحهم من بعض.

يبقى قيمة التكامل هتساوي اتنين الجذر التربيعي لتلاتة، مضروبة في … ع أُس نص هنعوّض بتمنتاشر، يبقى تمنتاشر أُس نص. ناقص … هنعوّض بستاشر، هتبقى ستاشر أُس نص. تمنتاشر أُس نص هي الجذر التربيعي لتمنتاشر. هتساوي تلاتة في الجذر التربيعي لاتنين. الستاشر أُس نص هي الجذر التربيعي لستاشر. واللي هي هتساوي أربعة.

كده قيمة التكامل هتساوي … اتنين في الجذر التربيعي لتلاتة، في تلاتة الجذر التربيعي لاتنين، هتبقى ستة في الجذر التربيعي لستة. ناقص … اتنين في الجذر التربيعي لتلاتة، في أربعة، هتبقى تمنية في الجذر التربيعي لتلاتة. وهتبقى هي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.