فيديو: حل معادلات القيمة المطلقة

‏نسخة الفيديو النصية

عندنا في المثال عايزين نوجد مجموعة حل المعادلة: مقياس س زائد ستة يساوي تلاتة، أو القيمة المطلقة لـ س زائد ستة تساوي تلاتة.

المعادلة اللي عندنا بتحتوي على القيمة المطلقة أو المقياس، ومعادلة القيمة المطلقة اللي زي مقياس س زائد أ يساوي ب، بتحتوي على معادلتين خطيتين: المعادلة الأولى هي س زائد أ يساوي ب، والمعادلة التانية هي س زائد أ يساوي سالب ب، معنى كده إن المعادلة اللي عندنا واللي هي: مقياس س زائد ستة يساوي تلاتة، بتضمن معادلتين: المعادلة الأولى هي س زائد ستة يساوي تلاتة، المعادلة التانية هي س زائد ستة يساوي سالب تلاتة، بعد كده هنحل المعادلتين اللي عندنا علشان نوجد مجموعة حل المعادلة، هنبدأ بالمعادلة الأولى واللي هي س زائد ستة يساوي تلاتة، فهنطرح من طرفَي المعادلة دي ستة، فلما فهنطرح ستة من طرفَي المعادلة هنلاقي س تساوي سالب تلاتة، وكده يبقى إحنا حلينا المعادلة الأولى، بعد كده هنحل المعادلة التانية واللي هي س زائد ستة يساوي سالب تلاتة، فهنطرح من طرفَي المعادلة دي ستة فلما فهنطرح ستة من طرفَي المعادلة هنلاقي إن س تساوي سالب تسعة، وبكده يبقى إحنا حلينا المعادلة التانية، وبكده بعد ما أوجدنا حل المعادلتين هتبقى مجموعة حل المعادلة هي المجموعة سالب تلاتة وسالب تسعة.