فيديو: تمثيل الكسور التي مقاماتها ١٠، ١٠٠، ١٠٠٠ في صورة أعداد عشرية

يوضِّح الفيديو تمثيل الكسور التي مقامتها ١٠، ١٠٠، ١٠٠٠ في صورة أعداد عشرية باستخدام النماذج.

٠٧:١٥

‏نسخة الفيديو النصية

في الفيديو ده هنتكلّم على تمثيل الكسور اللي مقاماتها عشرة أو مية أو ألف في صورة أعداد عشرية.

يمكن كتابة كل كسر مقامه عشرة أو مية أو ألف، على صورة عدد عشري. النماذج اللي قدامنا دي، في حالة إن الكسر مقامه عشرة بتبقى دي الشبكة اللي بنستخدمها. مقامه مية دي الشبكة اللي بنستخدمها. مقامه ألف بيبقى بالشكل ده. كل رسمة من دول بتمثّل واحد صحيح. عَ العشرة دي بتمثّل واحد من العشرة. ودي … يبقى كده لو إحنا خدنا اللي اتنين دول يبقى الاتنين من العشرة. هنا لو أخدنا دي وأخدنا دي، يبقى اتنين من المية. لو أخدنا هنا واحد اتنين تلاتة أربعة، وأخدناهم كلهم، يبقى الألف من الألف يمثّل الواحد الصحيح. لمّا هنظلل ده، ونظلل ده؛ معنى كده إن العدد اللي بيمثله النموذج ده اتنين على عشرة. يعني جزئين من العشر أجزاء.

في الرسم التاني لو ظللنا كده عشرة. يبقى العشرة من المية.

في الشكل التالت ظلّلنا سبعة وعشرين من الألف. يعني سبعة وعشرين جزء من الألف جزء. كل واحد من دول بيمثّل كسر مقامه عشرة أو مائة أو ألف. لمّا هنمثّلهم بعدد عشري، الاتنين على العشرة. يبقى العلامة العشرية بعدها خانة واحدة بس، اللي هي بتمثّل الجزء من العشرة، اللي هو يبقى العدد اتنين من عشرة.

بالنسبة للعدد التاني عشرة على مية. يبقى معنى كده إن العلامة العشرية بعدها خانتين، اللي همّ قصاد المية. يبقى دي الواحد والصفر.

العدد التالت السبعة وعشرين من الألف. يعني معنى كده إن العلامة العشرية لازم يبقى بعديها تلات خانات. خانة قصاد كل صفر من دول. يبقى معنى كده إن السبعة وعشرين لازم تبقى محطوطة في تلات خانات. لو حطيناها بعد العلامة العشرية على طول، هتبقى سبعة وعشرين وبعدين الصفر. تبقى ميتين وسبعين من ألف، ودي لا تساوي العدد سبعة وعشرين على ألف.

فبالتالي لمّا هنزوّد صفر هنزوده على يسار السبعة وعشرين. وبالتالي لمّا هنكتب العدد سبعة وعشرين على ألف هيبقى بالشكل ده سبعة وعشرين، وهنا صفر. وبنقراه سبعة وعشرين من الألف، اللي هو سبعة وعشرين جزء من الألف. وهنا عشر أجزاء من المية. وهنا جزئين من العشرة.

النماذج اللي قدامنا دي. ما العدد الذي تمثّله المنطقة المظللة؟

أول رسم عَ اليمين. هنعدّ عدد ده؛ واحد، اتنين، تلاتة، أربعة، خمسة، ستة، سبعة، تمنية، تسعة، عشرة. يبقى ده بيمثّل المقام. البسط هيتمثّل بالمناطق المظلّلة؛ هنلاقي، واحد، اتنين، تلاتة، أربعة. يبقى أربعة على عشرة. يعني أربع أجزاء من العشرة همّ المتظلّلين. اللي هو هتساوي عدد عشري يحتوي هنا خانة واحدة بس اللي هي جزء من العشرة. يعني أربعة من عشرة.

العدد التاني. هنا دي شبكة مائة؛ واحد، اتنين، تلاتة، أربعة، خمسة، ستة، سبعة، تمنية، تسعة، عشرة. وكده عشرة كمان يبقى مية. يبقى المقام على مية. المنطقة المظلّلة هنعدّهم هنلاقيهم خمسة وأربعين. يبقى خمسة وأربعين جزء مظلّل من المية جزء. هيساوي … العلامة العشرية المفروض بعديها خانتين. خمسة وأربعين هنحط الخمسة وأربعين في الخانتين. كل خانة قصاد صفر من الموجود في مقام العدد. يبقى العدد اللي بيمثله النموذج الأول هو الأربعة من عشرة. والعدد التاني خمسة وأربعين من مية.

اكتب الكسر واحد على مية على صورة عدد عشري.

لمّا هنمثّل الكسر واحد على مية بالنماذج هيبقى بالشكل ده. لمّا هنكتبه في صورة عدد عشري، يبقى معنى كده إن العلامة العشرية بعدها بعدد الأصفار خانات. يعني فيه هنا رقم، وهنا فيه رقم. لو كتبنا الواحد من هنا؛ بحيث إن هو الواحد وبعده العلامة العشرية بالشكل ده. وكمّلنا بصفر على اليمين؛ لأن الصفر على يمين العلامة العشرية مالوش قيمة. يبقى معنى كده إن إحنا مثّلنا العشرة على المية. يعني عشر أجزاء من المية، وده لا يساوي الواحد على المية. يبقى ده غلط.

يبقى معنى كده إن إحنا هنزوّد الصفر على يمين الواحد. يبقى الواحد على المية هتبقى واحد. وهنا صفر؛ عشان نكمل الخانات. يبقى واحد من مية. يبقى العدد اللي يمثّل الكسر هو واحد من مية.

كتلة حشرة حوالي ستة وخمسين على ألف من الكيلوجرام. مثِّل هذا الكسر واكتبه على صورة عدد عشري.

لمّا هنمثّل الكسر ده. هنا المقام ألف، يبقى هنستخدم النماذج اللي فيها الألف بالشكل ده. وهناخد ستة وخمسين جزء من الألف، هنظلّلهم. هيبقى بالشكل ده. هنظلّل ستة وخمسين مربع من الألف. الستة وخمسين على الألف، لمّا هنمثّلها في صورة عدد عشري يبقى العلامة العشرية بعدها تلات خانات مقابلين للتلات أصفار. هنكتب من أول يمين المربعات دي الستة والخمسين ونكمّل بالصفر. يبقى ستة وخمسين من ألف. وهو ده العدد العشري اللي يساوي الستة وخمسين على الألف.

اتكلّمنا في الفيديو ده عن تمثيل الكسور التي مقاماتها عشرة ومائة وألف في صورة أعداد عشرية. وعرفنا إزاي هنستخدم النماذج لتمثيل الكسر اللي مقامه عشرة أو مية أو ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.