نسخة الفيديو النصية
احسب التكامل المحدود من سالب تلاتة
إلى تلاتة، لسالب خمسة ﻫ في د س.
يعني هنكامل بالنسبة للـ س في الفترة
من سالب تلاتة إلى تلاتة. سالب خمسة ﻫ ده عدد ثابت. وتكامل أي عدد ثابت بالنسبة لـ س
بيساوي العدد الثابت ده مضروب في الـ س، زائد ف اللي هو أي عدد ثابت. حيث الـ أ عدد حقيقي من مجموعة
الأعداد الحقيقية.
في التكامل المطلوب هنا الـ أ بتساوي
سالب خمسة ﻫ. يبقى التكامل سالب تلاتة إلى تلاتة
للسالب خمسة ﻫ د س، هيساوي سالب خمسة ﻫ مضروبة في الـ س، وهنعوّض في حدود التكامل من
سالب تلاتة إلى تلاتة. هنعوّض مرة بالتلاتة ومرة بالسالب
تلاتة، ونطرحهم من بعض. هتبقى السالب خمسة دي مشتركة في
التعوضين، فهناخدها لوحدها مشتركة بره. وهنعوض بالـ س مرة بتلاتة ومرة
بالسالب تلاتة، وهنطرحهم من بعض. يبقى تلاتة ناقص سالب تلاتة قيمتها
ستة. ويبقى قيمة التكامل هتساوي سالب خمسة
ﻫ في ستة. يعني هتساوي سالب تلاتين ﻫ. ويبقى هي دي قيمة التكامل
المطلوبة.
