فيديو: الجمع بتكوين الـ ١٠

يوضح الفيديو طريقة الجمع عن طريق تكوين ١٠.

٠٤:٠٧

‏نسخة الفيديو النصية

هنتكلّم عن الجمع بتكوين العشرة. هنتعلّم إزاي أكوّن عشرة عشان أجيب ناتج الجمع. هنبتدي الشرح بالمثال التالي.

أوجد ناتج جمع: تمنية زائد أربعة.

أولًا: هنمثّل العدد تمنية بالدواير الحمراء، والعدد أربعة بالدواير الصفراء زيّ ما هو موضّح قدامي.

ثانيًا: هنحرّك دائرتين صُفر؛ عشان أكوّن العدد عشرة زيّ ما هو موضّح قدامي. وبكده تمنية زائد أربعة أصبحت عشرة زائد اتنين.

ثالثًا: أوجد ناتج الجمع. هلاحظ إنه عشرة زائد اتنين هيساوي اتناشر. إذن ناتج جمع تمنية زائد أربعة هيساوي برضو اتناشر. هنكمّل في الصفحة اللي جايّة.

مثال: استعمل الدواير الحمراء والصفراء لإيجاد ناتج الجمع.

رقم واحد: تسعة زائد خمسة.

عشان أجيب ناتج جمع تسعة زائد خمسة هكمّل التسع دواير الحمرا؛ عشان يبقوا عشرة. هاخد دايرة صفرا. دلوقتي السؤال بقى: عشرة زائد أربعة، هيساوي أربعتاشر. إذن تسعة زائد خمسة هيساوي برضو أربعتاشر.

سؤال رقم اتنين: سبعة زائد خمسة.

في البداية هرسم سبع دواير حمرا، وخمس دواير صفرا. وبعدين هحرّك تلات دواير صفرا؛ عشان أكوّن عشر دواير في المستطيل الأولاني. دلوقتي زيّ ما هو موضّح قدّامي في الرسمة السؤال بقى: عشرة زائد اتنين، يعني هيساوي اتناشر. إذن سبعة زائد خمسة هيساوي برضو اتناشر.

سؤال رقم تلاتة: تمنية زائد خمسة.

في البداية هرسم تمن دواير حمرا، وخمس دواير صفرا. وبعدين هحرّك دايرتين صُفر، وأحطّهم في المستطيل الأولاني؛ عشان أكوّن عشرة. دلوقتي السؤال بقى: عشرة زائد تلاتة، هيساوي تلتاشر. إذن أقدر أستنتج إنه تمنية زائد خمسة هيساوي برضو تلتاشر. هنكمّل في الصفحة اللي جايّة.

تدريبات. استعمل الدواير الحمرا والصفرا لإيجاد ناتج الجمع.

رقم واحد: سبعة زائد سبعة.

في البداية هرسم سبع دواير حمرا، وسبع دواير صفرا. وبعد كده هحرّك تلات دواير صفرا؛ عشان أكوّن عشر دواير في المستطيل الأولاني. ودلوقتي السؤال بقى: عشرة زائد أربعة، هيساوي أربعتاشر. إذن سبعة زائد سبعة هيساوي برضو أربعتاشر.

سؤال رقم اتنين: أربعة زائد تمنية.

في البداية هرسم أربع دواير حمرا، وتمن دواير صفرا. وبعدين هحرّك ست دواير صفرا؛ عشان أكوّن عشر دواير في المستطيل الأولاني. إذن السؤال بقى: عشرة زائد اتنين، هيساوي اتناشر. إذن أربعة زائد تمنية هيساوي برضو اتناشر.

سؤال رقم تلاتة: تمنية زائد تسعة.

في البداية هرسم تمن دواير حمرا، وتسع دواير صفرا. وبعدين هاخد دايرتين صُفر، وأحطّهم في المستطيل الأولاني؛ عشان أكوّن عشر دواير زيّ ما هو موضّح قدامي. دلوقتي السؤال بقى: عشرة زائد سبعة، هيساوي سبعتاشر. إذن تمنية زائد تسعة هيساوي برضو سبعتاشر.

وبكده هنكون اتعلّمنا إزاي نكوّن عشرة عشان نجيب ناتج الجمع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.