تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: رسم المنحنيات من خلال جذورها

أحمد لطفي

أيٌّ مما يلي يمثِّل الرسم البياني للدالة د(ﺱ) = −(ﺱ + ٢)^٣؟ [أ] شكل ١ [ب] شكل ٢ [ج] شكل ٣ [د] شكل ٤ [ﻫ] شكل ٥

٠٢:٣١

‏نسخة الفيديو النصية

أيّ مما يلي يمثل الرسم البياني للدالة د س بتساوي سالب س زائد اتنين الكل أس تلاتة، ومُعطى خمس اختيارات.

في البداية هنوجد جذور الدالة د س؛ يعني هنساوي د س بصفر، فهيكون عندنا سالب س زائد اتنين الكل أس تلاتة بيساوي صفر، يعني هيكون عندنا س زائد اتنين هتساوي صفر. هنطرح اتنين من الطرفين؛ فهيكون عندنا س بتساوي سالب اتنين. وبالتالي جذور الدالة د س هتكون سالب اتنين.

ومن تعريف جذور الدالة إن قيمة الدالة عند جذرها هتساوي صفر؛ يعني الدالة د س هتساوي صفر عند س بتساوي سالب اتنين.

بالنسبة للاختيار الأولاني، هنجد إن قيمة الدالة بتساوي صفر عند س بتساوي اتنين؛ وبالتالي الاختيار الأول هيكون مستبعَد.

وبالنسبة للاختيار التاني، هنجد إن قيمة الدالة بتساوي صفر عند س بتساوي اتنين؛ وبالتالي الاختيار التاني أيضًا هيكون مستبعد.

وبالنسبة للاختيار التالت، هنجد إن قيمة الدالة بتساوي صفر عند س بتساوي سالب اتنين؛ وبالتالي الاختيار التالت هيكون اختيار محتمَل.

وبالنسبة للاختيار الرابع، فهنجد إن قيمة الدالة بتساوي صفر عند س بتساوي صفر؛ وبالتالي الاختيار الرابع هيكون مستبعد.

وبالنسبة للاختيار الخامس، فهنجد إن قيمة الدالة بتساوي صفر عند س بتساوي سالب اتنين؛ وبالتالي الاختيار الخامس هيكون اختيار محتمل.

تاني حاجة؛ هنوجد قيمة الدالة عند س بتساوي سالب واحد، يعني هنوجد د سالب واحد، يعني هتساوي سالب سالب واحد زائد اتنين الكل أُس تلاتة، يعني هتساوي سالب واحد أس تلاتة، يعني هتساوي سالب واحد؛ وبالتالي عند الـ س بتساوي سالب واحد، قيمة الدالة كانت سالبة.

فبالنسبة للاحتمال رقم تلاتة، هنجد إن عند س بتساوي سالب واحد، قيمة الدالة كانت موجبة؛ وبالتالي الاحتمال رقم تلاتة هيكون أيضًا مستبعَد. وفي الاحتمال رقم خمسة، هنجد إن قيمة الدالة عند س بتساوي سالب واحد هي قيمة سالبة؛ وبالتالي الاحتمال رقم خمسة هيكون هو التمثيل البياني للدالة د س.

يبقى كده قدرنا نوجد التمثيل البياني للدالة د س بتساوي سالب س زائد اتنين الكل أُس تلاتة.