فيديو: حساب قسمة كسر على كسر

أوجد ٧/٦ ÷ ٧/٣.

٠١:٣١

‏نسخة الفيديو النصية

أوجد ستة على سبعة، على تلاتة على سبعة.

لمّا بنييجي نقسم كسرين، يا ترى إزّاي بنعمل عملية القسمة دي؟ أول خطوة هنكتب الكسر الأولاني زي ما هو بالظبط. أما عملية القسمة فبنستبدلها بالضرب في المعكوس الضربي للكسر اللي بعد كده. يعني علامة القسمة دي هنحوّلها لضرب. وبعدين الكسر اللي بعد كده عايزين نوجد المعكوس الضربي ليه، واللي هو بيُعتبر مقلوب الكسر اللي عندنا. يعني سبعة على تلاتة.

الخطوة اللي بعد كده إن إحنا بنضرب بسط الكسر الأول في بسط الكسر التاني. وده بيبقى على بعضه بسط الناتج. وبعدين بنقسم على مقام الكسر الأول، في مقام الكسر التاني. وده على بعضه بيبقى مقام الناتج.

قبل ما نجري عمليات الضرب اللي عندنا دي، بنحاول نختصر؛ عشان الناتج يبقى في أبسط صورة. لأن دايمًا الاختصار قبل إجراء الضرب، بيسهل علينا الحصول على الناتج في أبسط صورة.

أول خطوة نستخدمها في الاختصار، هي إننا هنقسم البسط والمقام على سبعة، بالشكل ده. فيبقى الكسر اللي موجود دلوقتي عندنا ستة على تلاتة. ما زال فيه عامل مشترك بين البسط والمقام اللي هو تلاتة. فهنقسم البسط والمقام دلوقتي على تلاتة. هيبقى بيساوي اتنين. وكده قدرنا نوجد ستة على سبعة، على تلاتة على سبعة، خارج قسمتهم هيبقى بيساوي اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.