تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: معرفة التحويلات المُطبَّقة على المثلثات

سوزان فائق

في الشكل الموضح، تحوَّل المثلث ﺃ إلى المثلث ﺃ′ بالانعكاس في محور الصادات أولًا، ثم في محور السينات. ما التحويلة الواحدة التي قد تحوِّل ﺃ إلى ﺃ′؟

٠١:٤٤

‏نسخة الفيديو النصية

في الشكل الموضح تحوَّل المثلث أ إلى المثلث أ شرطة بالانعكاس في محور الصادات أولًا ثم في محور السينات، ما التحويلة الواحدة التي قد تُحوِّل أ إلى أ شرطة؟

في الشكل اللي قدامنا لو بصينا على الضلع الصغير اللي في المثلث، هنلاقيه إن هو لف وجه هنا، الضلع ده لف وجه هنا، والضلع التالت لف وجه في نفس المكان اللي فيه أ شرطة بنفس النِّسب ونفس المقاسات؛ يعني كأنه دار بالزاوية دي اللي هي قياسها مية وتمانين درجة، وكان المركز هنا نقطة الأصل. وممكن نتأكد كمان بإن النقطة دي كانت سالب اتنين وواحد وبقت اتنين وسالب واحد، وده بيحدث عندما ندوّر الشكل حول نقطة الأصل بزاوية مية وتمانين درجة، بنعكس إشارتي الـ س والـ ص، يبقى في الدوران حول نقطة الأصل بزاوية مية وتمانين درجة إذا كانت النقطة س وص بتبقى سالب س و سالب ص، وفي المثلثين اللي قدامنا اللي هم أ و أ شرطة النقطة سالب اتنين وواحد، اتعكس إشاراتها بقت اتنين وسالب واحد، إذن التحويلة الواحدة اللي بتحول أ إلى أ شرطة هي الدوران حول نقطة الأصل بزاوية مية وتمانين درجة، وهي دي الإجابة المطلوبة.