تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد ميل نقطتين مُعطاتَيْنِ

أحمد مدحت

ما ميل الخط المستقيم في التمثيل البياني التالي؟

٠١:٤٩

‏نسخة الفيديو النصية

عندنا في المثال تمثيل بياني، وعايزين نوجد ميل الخط المستقيم اللي موجود في التمثيل البياني ده. علشان نوجد ميل المستقيم اللي في التمثيل البياني اللي عندنا، هنحدد أي نقطتين بيمُرّ بيهم المستقيم، وبعد كده هنستخدم صيغة ميل المستقيم المار بنقطتين، وصيغة الميل اللي هنرمز له بالرمز م للخط المستقيم المار بالنقطتين س واحد وَ ص واحد وَ س اتنين وَ ص اتنين، هي ميل المستقيم م يساوي ص اتنين ناقص ص واحد، على س اتنين ناقص س واحد. فعلشان نوجد ميل الخط المستقيم اللي موجود في التمثيل البياني اللي عندنا، هنبدأ نحدد أي نقطتين بيمُرّ بيهم المستقيم ده؛ فهنحدد النقطة الأولى اللي بيمُرّ بيها المستقيم، وليكن النقطة دي، الإحداثي السيني بتاع النقطة دي هو صفر، والإحداثي الصادي هو صفر؛ يعني النقطة دي هي النقطة صفر وصفر. فهنفرض إنها النقطة س واحد وَ ص واحد.

بعد كده هنحدد النقطة التانية اللي بيمُرّ بيها المستقيم، فهنحدد النقطة دي، الإحداثي السيني بتاع النقطة دي هو واحد، والإحداثي الصادي هو سالب اتنين؛ يعني النقطة دي هي النقطة واحد وسالب اتنين. فهنفرض إن النقطة واحد وسالب اتنين هي النقطة س اتنين وَ ص اتنين. بعد ما حددنا النقطتين اللي بيمُرّ بيهم المستقيم، هنستخدم صيغة الميل علشان نوجد ميل الخط المستقيم اللي موجود عندنا في التمثيل البياني، فهنعوّض في صيغة الميل عن س واحد بصفر وعن ص واحد بصفر، وعن س اتنين بواحد وعن ص اتنين بسالب اتنين. فهيبقى ميل المستقيم م يساوي سالب اتنين ناقص صفر، على، واحد ناقص صفر. يعني م تساوي سالب اتنين على واحد، يعني م تساوي سالب اتنين.

بكده هيبقى ميل الخط المستقيم اللي موجود في التمثيل البياني اللي عندنا هو سالب اتنين.