نسخة الفيديو النصية
عندنا في المثال عايزين نوجد مفكوك حاصل ضرب س زائد واحد، في س ناقص واحد.
عندنا في المثال ده عايزين نوجد حاصل ضرب مجموع حدين، واللي هو س زائد واحد؛ في الفرق بينهم، واللي هو س ناقص واحد. وحاصل ضرب مجموع حدين في الفرق بينهم بيكون عبارة عن الفرق بين مربعَي الحدين دول. فلو الصورة العامة لحاصل ضرب مجموع حدين، في الفرق بينهم، على الشكل: أ زائد ب، في أ ناقص ب؛ فالناتج بيكون عبارة عن مربع أ ناقص مربع ب. يعني أ زائد ب، في أ ناقص ب، يساوي أ تربيع ناقص ب تربيع. والمقدار أ تربيع ناقص ب تربيع بنسميه الفرق بين مربعين. والمتطابقة دي بنسميها متطابقة الفرق بين مربعين.
وعندنا في المثال عايزين نوجد مفكوك حاصل ضرب س زائد واحد، في س ناقص واحد. فهنستخدم متطابقة الفرق بين مربعين. فبالتالي هيبقى س زائد واحد، في س ناقص واحد، يساوي مربع س ناقص مربع الواحد. يعني س زائد واحد، في س ناقص واحد، يساوي س تربيع ناقص واحد تربيع. يعني هيبقى س زائد واحد، في س ناقص واحد، يساوي س تربيع ناقص واحد. وبكده يبقى إحنا أوجدنا مفكوك حاصل ضرب س زائد واحد، في س ناقص واحد؛ وهو س تربيع ناقص واحد.
