فيديو: ضرب الأعداد الصحيحة

احسب ٢٨ × ٤ × ٦.

٠٢:١١

‏نسخة الفيديو النصية

احسب: تمنية وعشرين في أربعة في ستة.

معطى في السؤال تلات أعداد صحيحة؛ وهي: تمنية وعشرين، وأربعة، وستة. ومطلوب إننا نجيب حاصل ضرب الأعداد دي. الخطوة الأولى هنجيب ناتج ضرب تمنية وعشرين في أربعة؛ أول عددين. وبعد كده هنضرب ناتج ضرب أول عددين في العدد التالت.

عشان نجيب ناتج ضرب تمنية وعشرين في أربعة، هكتب تمنية وعشرين، وهكتب أربعة تحت التمنية. وهبتدي من الآحاد. هضرب أربعة في تمنية، هيساوي اتنين وتلاتين. هكتب اتنين تحت الآحاد، وهكتب تلاتة فوق خانة العشرات. بعد كده هضرب أربعة في اتنين، هيساوي تمنية. تمنية وبعدين هجمع التلاتة، يعني هيساوي حداشر. وبكده أقدر أقول إنه ناتج الخطوة الأولى اللي هو حاصل ضرب تمنية وعشرين في أربعة، هيساوي مية واتناشر.

الخطوة رقم اتنين. هضرب مية واتناشر اللي هو ناتج ضرب أول عددين، في العدد التالت اللي هو ستة. هكتب ستة تحت الاتنين، وأبتدي من الآحاد. ستة في اتنين هيساوي اتناشر. هكتب اتنين تحت الآحاد، وهضيف واحد إلى خانة العشرات. هضرب ستة في واحد، هيساوي ستة. وبعدين أجمع الواحد، يعني هيساوي سبعة. وأخيرًا هضرب ستة في واحد، هيساوي ستة. إذن أقدر أقول إنه حاصل ضرب مية واتناشر في ستة، هيساوي ستمية اتنين وسبعين. ومية واتناشر أصلًا كانت حاصل ضرب تمنية وعشرين في أربعة.

وبكده أقدر أقول إنه تمنية وعشرين في أربعة في ستة، هيساوي ستمية اتنين وسبعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.