نسخة الفيديو النصية
كم جرامًا في اتناشر كيلوجرامًا؟
فدلوقتي إحنا محتاجين نحسب الاتناشر كيلوجرام يا ترى فيهم كام جرام. وحدة الكيلوجرام ووحدة الجرام هم وحدات مترية بنستخدمها علشان نقيس كتلة أيّ حاجة. الكيلوجرام واللي بنرمز له بالرمز كجم بنقيس بيه الأوزان الكبيرة. أمّا وحدة الجرام واللي بنرمز لها بالرمز جم فبنقيس بيها كتل أو أوزان الحاجات الصغيرة.
وعلشان وحدة الكيلوجرام هي وحدة أكبر، فالعلاقة بين الوحدتين دول هو إن الواحد كيلوجرام بيساوي ألف جرام. يعني العدد واحد ضربناه في العدد ألف علشان يكون الناتج هو ألف جرام. معنى كده إنه أي قيمة بالكيلوجرام نقدر نضربها في العدد ألف علشان نوصل لنفس قيمتها بس بالجرام.
ففي السؤال بتاعنا علشان نعرف الاتناشر كيلوجرام فيهم كام جرام، هنبدأ نضرب العدد اتناشر في العدد ألف. فهنكتب الأصفار يمين العدد، ونبدأ نضرب اتناشر في واحد؛ اتناشر في واحد يساوي اتناشر. علشان كده هنقول: إنه اتناشر كيلوجرام بيساوي اتناشر ألف جرام.