فيديو: وصف مواضع العناصر من نقطة الأصل في الشبكة الإحداثية

اتبع التعليمات لإيجاد الأشكال. ابدأ من ٠. انتقل بمقدار ١ لليمين. انتقل بمقدار ٥ لأعلى. [أ] شكل أ [ب] شكل ب [ج] شكل ﺟ

٠٢:٤٢

‏نسخة الفيديو النصية

اتّبع التعليمات لإيجاد الأشكال. ابدأ من صفر. انتقل بمقدار واحد لليمين. انتقل بمقدار خمسة لأعلى.

عندنا الشبكة الإحداثية اللي قدامنا دي، عليها أشكال زي الدايرة والمثلث والمربع. والسؤال فيه شوية تعليمات هنتّبعها ونشوف بعد ما نتّبع التعليمات دي هنوصل لأي شكل في الآخر. هل هنوصل للمربع؟ ولّا للمثلث؟ ولّا للدايرة؟

فتعالوا نشوف أول جزء من السؤال: ابدأ من صفر. هنبدأ من صفر يعني هنقف عند الصفر هنا كده. ده هو الصفر على الرسم أهو. انتقل بمقدار واحد لليمين. لليمين يعني الاتجاه ده. هننتقل بمقدار واحد يعني هنقف عند الواحد هنا. ماشي وبعد ما وقفنا عند الواحد؟ انتقل بمقدار خمسة لأعلى. نطلع خمسة: واحد، اتنين، تلاتة، أربعة، خمسة. وصلنا عند الإيه؟ الدايرة. يبقى الإجابة هي الدايرة. ده بالنسبة لإجابة أول جزء في السؤال.

نيجي لتاني جزء: ابدأ من الصفر. آدي الصفر. انتقل بمقدار ستة لليمين. نمشي ستة يمين: واحد، اتنين، تلاتة، أربعة، خمسة، ستة. وصلنا عند الستة. وبعدين؟ انتقل بمقدار أربعة لأعلى: واحد، اتنين، تلاتة، أربعة. وصلنا عند المربع. فتبقى الإجابة بتاعة تاني جزء في السؤال هي المربع.

نيجي لتالت جزء والأخير: ابدأ من الصفر. واقفين عند الصفر. انتقل بمقدار تلاتة لليمين. هنمشي يمين تلاتة: واحد، اتنين، تلاتة. أهو وقفنا عند التلاتة. وبعدين؟ انتقل بمقدار ستة لأعلى. نطلع فوق ستة: واحد، اتنين، تلاتة، أربعة، خمسة، ستة. وصلنا عند الإيه؟ المثلث. فتبقى الإجابة بتاع تالت جزء والأخير هي المثلث.

أول جزء إجابته هي الدائرة. وتاني جزء إجابته المربع. وتالت جزء إجابته المثلث.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.