فيديو: فَهْم القيمة المكانية عند تكوين عدد عشري بمعلومية صورته التحليلية

اكتب المقدار (٧ × ١٠٠٠٠) + (١ × ١٠٠٠) + (٥ × ١٠٠) + (٩ × ١٠/١) في صورة عدد عشري.

٠٢:٠٦

‏نسخة الفيديو النصية

اكتب المقدار: سبعة في عشرة آلاف، زائد واحد في ألف، زائد خمسة في مية، زائد تسعة في، واحد على عشرة. في صورة عدد عشري.

معطى في السؤال مقدار، ومطلوب إننا نكتبه في صورة عدد عشري. هنرسم جدول القيم المكانية؛ عشان نحطّ كل رقم في خانته الصحيحة. هيكون عندي القيم المكانية التالية: الآحاد، والعشرات، والمئات، والألوف، وعشرات الألوف. وبعدين الفصلة العشرية. وبعدين الجزء من العشرة.

لمّا هرجع للمقدار اللي معطى في السؤال. هلاقيه سبعة في عشرة آلاف، زائد واحد في ألف، زائد خمسة في مية، زائد تسعة في، واحد على عشرة. وبالتالي لمّا هاجي أدوّر على رقم الآحاد، هلاقيه صفر. فهكتب صفر في خانة الآحاد. ولمّا هدوّر على رقم العشرات، برضو هلاقي صفر؛ لأن ما فيش رقم مضروب في عشرة.

بعد كده رقم المئات، هلاقي خمسة في مية. إذن هكتب في خانة المئات خمسة. ولمّا هاجي أدوّر على رقم الألوف، هلاقي واحد في ألف. إذن هكتب في خانة الألوف واحد. ولمّا هاجي أدوّر على رقم هكتبه في خانة عشرات الألوف، هلاقي سبعة في عشر آلاف. يعني في خانة عشرات الألوف، هكتب سبعة. وأخيرًا في خانة الجزء من عشرة، هلاقي تسعة. لأنه في المقدار مكتوب تسعة في، واحد على عشرة. إذن في خانة الجزء من عشرة، هكتب تسعة.

وبكده أقدر أقول إن العدد العشري هو واحد وسبعين ألف وخمسمية، وتسعة من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.