فيديو: حل المسائل الكلامية التي تتضمَّن النسب المئوية

حيٌّ بة ١٢ منزلًا يتخلص من ٨٤٫٩ رطلًا من القمامة كل أسبوع. إذا كان هناك اتفاقٌ ينصُّ على تقليل إجمالي وزن القمامة بالحي بنسبة ٢٠٪، فأوجد مقدار القمامة التي يجب أن يُلْقِيَها كل منزل الأسبوع القادم.

٠٥:١٠

‏نسخة الفيديو النصية

حي به اثنا عشر منزلًا يتخلص من أربعة وثمانين وتسعة من عشرة رطلًا من القمامة كل أسبوع. إذا كان هناك اتفاقٌ ينصُّ على تقليل إجمالي وزن القمامة بالحي بنسبة عشرين بالمائة. فأوجد مقدار القمامة التي يجب أن يُلْقِيَها كل منزل الأسبوع القادم.

عشان نعرف كمية القمامة اللي هيلقيها كل منزل في الأسبوع القادم، هنحسب أول حاجة الكمية الكلية للقمامة خلال الأسبوع القادم للحي بأكمله.

بما إن الحي بيلقي كل أسبوع أربعة وتمانين وتسعة من عشرة رطل من القمامة. والمفترض الكمية دي تقل بنسبة عشرين في المية. يبقى كمية القمامة الكلية في الأسبوع القادم هتساوي كمية القمامة الأسبوعية، ناقص عشرين في المية في كمية القمامة الأسبوعية.

ده هيساوي كمية القمامة الأسبوعية اللي بتساوي أربعة وتمانين وتسعة من عشرة، ناقص عشرين في المية بتساوي عشرين على مية يعني بتساوي عشرين من مية. وعشرين من مية بيساوي اتنين من عشرة. يبقى ده هيساوي اتنين من عشرة في أربعة وتمانين وتسعة من عشرة.

نقدر نعتبر إن أربعة وتمانين وتسعة من عشرة هو عامل مشترك. يبقى ده هيساوي أربعة وتمانين وتسعة من عشرة في واحد ناقص اتنين من عشرة. ده هيساوي أربعة وتمانين وتسعة من عشرة، في واحد ناقص اتنين من عشرة. هيساوي تمنية من عشرة.

وعشان نوجد حاصل ضرب أربعة وتمانين وتسعة من عشرة في تمنية من عشرة، هنضربهم في البداية بدون العلامات العشرية. فأول حاجة نضرب تمنية في تسعة فالناتج هيبقى اتنين وسبعين. فنكتب اتنين في الناتج، وسبعة فوق القيمة المكانية اللي بعد كده.

بعد كده نضرب تمنية في أربعة هيساوي اتنين وتلاتين، ونضيف ليها السبعة، فده هيساوي تسعة وتلاتين. فنكتب تسعة في الناتج، ونضيف تلاتة فوق القيمة المكانية اللي بعد كده.

بعدين نضرب تمنية في تمنية هيساوي أربعة وستين. ونضيف ليها تلاتة، فده هيساوي سبعة وستين.

بعد كده نحدد مكان العلامة العشرية في الناتج. فبالنظر للعدد الأول هنلاقي إن فيه رقم واحد على يمين العلامة العشرية. وبالنظر للعدد التاني هنلاقي إن فيه رقم واحد على يمين العلامة العشرية. وبالتالي هنحط العلامة العشرية بعد رقمين من اليمين إلى اليسار. يبقى أربعة وتمانين وتسعة من عشرة في تمنية من عشرة، هيساوي سبعة وستين واتنين وتسعين من مية.

يبقى كمية القمامة الكلية في الأسبوع القادم هتساوي سبعة وستين واتنين وتسعين من مية رطل. ودي كمية القمامة بالنسبة للحي بأكمله؛ يعني بالنسبة للاتناشر منزل.

يبقى كمية القمامة في الأسبوع القادم لكل منزل، هتساوي الكمية الكلية اللي هي سبعة وستين واتنين وتسعين من مية، على عدد المنازل اللي هو اتناشر منزل. فعشان نوجد ناتج عملية القسمة هنستخدم القسمة المطوّلة.

هنقسم سبعة وستين واتنين وتسعين من مية على اتناشر. بما إن المقسوم عليه بيتكوّن من رقمين، فهنقسم على أول رقمين من اليسار في المقسوم. فنقسم سبعة وستين على اتناشر، فأقرب نتيجة هتكون خمسة. بعدين نضرب خمسة في اتناشر هيساوي ستين. بعد كده نطرح سبعة وستين ناقص ستين هيساوي سبعة. وننّزل التسعة.

بما إننا وصلنا للعلامة العشرية، فنكتب العلامة العشرية في الناتج. ونكّمل قسمة بنفس الطريقة. فنقسم تسعة وسبعين على اتناشر. فهتبقى أقرب نتيجة هي ستة. بعدين نضرب ستة في اتناشر هيساوي اتنين وسبعين. بعد كده هنطرح تسعة وسبعين ناقص اتنين وسبعين، هيساوي سبعة. وننّزل الاتنين.

بعد كده نقسم اتنين وسبعين على اتناشر. فالناتج هيساوي ستة. بعد كده نضرب ستة في اتناشر، هيساوي اتنين وسبعين. بعدين نطرح اتنين وسبعين ناقص اتنين وسبعين، هيساوي صفر.

ده معناه إن كمية القمامة في الأسبوع القادم لكل منزل هتساوي خمسة وستة وستين من مية رطل من كل منزل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.