تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحويل الأعداد العشرية إلى كسور

أحمد لطفي

حوّل العدد ٠٫٤٢ إلى كسر. [أ] ٢٥/٢١ [ب] ٥/٢١ [ج] ٥/٤٢ [د] ٢٥/٤٢ [ﻫ] ٥٠/٢١

٠١:٣٥

‏نسخة الفيديو النصية

حوّل العدد اتنين وأربعين من مية إلى كسر. أول اختيار: إنه هيساوي واحد وعشرين على خمسة وعشرين. تاني اختيار: إنه هيساوي واحد وعشرين على خمسة. تالت اختيار: إنه هيساوي اتنين وأربعين على خمسة. رابع اختيار: إنه هيساوي اتنين وأربعين على خمسة وعشرين. خامس اختيار: إنه هيساوي واحد وعشرين على خمسين.

في البداية، عشان نقدر نحوّل العدد الكسري إلى كسر فهنقول: إنه هيساوي … وهنكتب علامة الكسر بالشكل ده، وفي البسط هنكتب جميع الأرقام اللي على يمين العلامة العشرية. فهنلاحظ إن عندنا الأربعة والاتنين؛ وبالتالي هنكتبهم في البسط على صورة اتنين وأربعين. وفي المقام هنشوف القيمة المكانية لآخر رقم مكتوب ناحية اليمين، اللي هو الاتنين. وبما إن القيمة المكانية للاتنين … هي في خانة الجزء من مئات يبقى هنكتب في مقام الكسر مية. وبالتالي قدرنا نكتب اتنين وأربعين من مية في صورة اتنين وأربعين على مية.

هنلاحظ إننا محتاجين نختصر الكسر، فهنقسم البسط والمقام على اتنين. وبالتالي الكسر هيساوي … اتنين وأربعين على اتنين هيساوي واحد وعشرين، على … مية على اتنين هيساوي خمسين. وبالتالي اتنين وأربعين من مية هتساوي واحد وعشرين على خمسين.

ويبقى الإجابة هتكون الاختيار الخامس، اللي هي بتساوي: واحد وعشرين على خمسين.