نسخة الفيديو النصية
أ ب ج د يشابه ع ص س ل، ومحيط أ ب ج د بيساوي مية سبعة وسبعين سنتيمتر. احسب معامل تشابه ع ص س ل إلى أ ب ج د، ومحيط ع ص س ل.
التشابُه يعني الأضلاع المتناظرة هتبقى متناسبة. والنسبة دي هي نفسها معامل التشابه. وهيبقى معامل تشابه ع ص س ل إلى أ ب ج د، هو عبارة عن طول ضلع في ع ص س ل، على نظيره في أ ب ج د.
من على الرسم هنلاقي إن ع ص تلاتة وعشرين سنتيمتر، وَ أ ب ستة وأربعين سنتيمتر. نعوّض بيهم. تلاتة وعشرين على ستة وأربعين، وده بيساوي واحد على اتنين. يبقى معامل التشابه بيساوي واحد إلى اتنين.
عايزين نجيب محيط ع ص س ل. طالما إن المضلّعين متشابهين يبقى النسبة بين محيطيهما بتساوي النسبة بين طول ضلع على نظيره، أو اللي هو معامل التشابه. محيط ع ص س ل على محيط أ ب ج د، بيساوي ع ص على أ ب. طول ضلع على نظيره في المضلع الآخر. وهيبقى محيط ع ص س ل على مية سبعة وسبعين سنتيمتر، اللي هو محيط أ ب ج د؛ بيساوي ع ص على أ ب، اللي هي إحنا جبناها واحد على اتنين. ولو ضربنا الطرفين في مية سبعة وسبعين، هنلاقي إن محيط ع ص س ل بيساوي مية سبعة وسبعين على اتنين. وده بيساوي تمنية وتمانين ونص سنتيمتر.
وهتبقى إجابة السؤال: معامل التشابه بيساوي واحد على اتنين، ومحيط ع ص س ل بيساوي تمنية وتمانين ونصف سنتيمتر.