تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد ميل الخط المستقيم

أحمد مدحت

المستقيم ﺃ ﺏ يوازي محور الصادات. إذا كانت إحداثيات النقطتين ﺃ، ﺏ هي (ﻡ، ٢)، (٨، ٦) على الترتيب، فأوجد قيمة ﻡ.

٠١:٤٩

‏نسخة الفيديو النصية

عندنا في المثال، المستقيم أ ب يوازي محور الصادات. فإذا كانت إحداثيات النقطتين أ وَ ب هي م واتنين، وتمنية وستة، على الترتيب؛ فعايزين نوجد قيمة م.

أول حاجة عندنا إن المستقيم أ ب يوازي محور الصادات. ولو توازى خطين مستقيمين، فالميلين بتوعهم متساويين؛ وده معناه، بما إن المستقيم أ ب يوازي محور الصادات، فهيبقى ميل المستقيم أ ب يساوي ميل محور الصادات. ومحور الصادات خط رأسي، وعلشان كده ميل محور الصادات غير معرّف. وبما إن ميل المستقيم أ ب بيساوي ميل محور الصادات، فبالتالي هيبقى ميل المستقيم أ ب غير معرّف برضو. وصيغة الميل اللي بنرمز له بالرمز م لخط مستقيم يمرّ بالنقطتين س واحد وَ ص واحد، وَ س اتنين وص اتنين، هي: م تساوي ص اتنين ناقص ص واحد على س اتنين ناقص س واحد. وميل المستقيم م بيكون غير معرّف إذا كانت س اتنين ناقص س واحد يساوي صفر، فهنستخدم الحقيقة دي علشان نوجد قيمة م.

فهنفرض إن النقطة س واحد وَ ص واحد هي النقطة م واتنين، والنقطة س اتنين وَ ص اتنين هي النقطة تمنية وستة. وبما إن ميل المستقيم أ ب غير معرّف، فبالتالي هيبقى عندنا س اتنين ناقص س واحد يساوي صفر. فهنعوّض عن س واحد بـ م، وعن س اتنين بتمنية، فبالتالي هيبقى عندنا تمنية ناقص م يساوي صفر.

بعد كده هنحل المعادلة دي علشان نوجد قيمة م، فهنطرح من طرفَي المعادلة دي تمنية، فهيبقى عندنا سالب م يساوي سالب تمنية. بعد كده هنقسم طرفَي المعادلة على سالب واحد، فهنلاقي م تساوي تمنية؛ معنى كده إن قيمة م تساوي تمنية.