تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مجموعة حل متباينة من الدرجة الثانية‎

سوزان فائق

أوجد الفترة التي تمثل جميع حلول المتباينة ﺱ^٢ ≤ ٤.

٠١:٤٣

‏نسخة الفيديو النصية

اوجد الفترة التي تمثل جميع حلول المتباينة س تربيع أصغر من أو يساوي الأربعة.

علشان نوجد قيم س اللي بتحقق المتباينة وبالتالي تبقى هي مجموعة الحلول اللي تحقق المتباينة، يبقى هنوجد الجذر التربيعي لطرفي المتباينة، ولمّا بنوجد الجذر التربيعي يبقى معنى كده إن الـ س ممكن تبقى قيَمْها سالبة أو قيمها موجبة، فبنعبر عنها بالدالة، اللي هو القيم المطلقة للـ س أصغر من أو تساوي الاتنين، ولمّا بنعبر عن القيمة المطلقة للـ س دي، بنعبر عنها بالشكل ده: الـ س أصغر من أو تساوي الاتنين، أو الـ س أكبر من أو تساوي السالب اتنين، فالقيم السالبة اللي هي أكبر من السالب اتنين بتبقى هي نفس قيم القيم الموجبة اللي أصغر من الاتنين؛ لأن في الحالتين بنربّعهم بيبقى الـ س تربيع أصغر من أو تساوي الأربعة، يعني إحنا بندور على قيم السينات اللي لو اتربّعت دايمًا هتبقى أصغر من أو تساوي الأربعة؛ ففيه القيم السالبة اللي أكبر من السالب اتنين وفيه القيم الموجبة اللي أقل من الاتنين، بس ما نعديش الفترة سالب اتنين واتنين، هنبقى جوه الفترة دي دايمًا، فيبقى جميع الحلول هي الفترة المغلقة من سالب اتنين إلى اتنين.