فيديو: خاصية الإبدال

هل تُطبَّق خاصية الإبدال على الطرح؟

٠١:٥٧

‏نسخة الفيديو النصية

هل تطبق خاصية الإبدال على الطرح؟

إيه هي خاصية الإبدال؟ خاصية الإبدال هي لو بنعمل عملية معينة على أعداد ما، فتغيير ترتيب الأعداد دي المفروض ما يقصرش في ناتج العملية. لو الكلام ده مظبوط يبقى نقدر نطبق خاصية الإبدال على العملية دي. والكلام ده بيبقى مظبوط في عملية الجمع مثلًا. فلو شُفنا مثلًا اتنين زائد تلاتة، لو غيرنا ترتيبهم وقلنا تلاتة زائد اتنين. خلينا نجمع العمليتين ونشوف الناتج هيتغير ولا لأ.

الترتيب الأول: لمّا نجمع اتنين زائد تلاتة، هيبقى مجموعهم خمسة. أما الترتيب التاني: تلاتة زائد اتنين فبرضو لو جمعناهم هيطلع المجموع خمسة. يبقى الترتيب بتاع الأعداد عند إجراء العملية الحسابية دي عليهم مش هيفرق ومش هيغير حاجة في الناتج. الناتج زي ما هو. يبقى كده إحنا نقدر نستخدم خاصية الإبدال على عملية الجمع.

طب دلوقتي عايزين نشوف يا ترى نقدر نطبقها على عملية الطرح ولا لأ؟ لو قلنا عندنا عملية طرح زي خمسة ناقص تلاتة. وجينا نطبّق عليها عملية الإبدال، وعايزين نشوف ناتج عملية الطرح تلاتة ناقص خمسة. غيّرنا ترتيب العددين، والعملية الحسابية زي ما هي في النُّص. لو جينا نطرح ونشوف ناتج طرح العملية الأولى خمسة ناقص تلاتة، ناتج الطرح هيبقى اتنين. طيب العملية التانية تلاتة ناقص خمسة. العملية دي ناتج الطرح بتاعها هيبقى بالسالب، هيبقى سالب اتنين. وده معناه إن الناتج بتاع العملية الأولى مختلف عن ناتج العملية التانية.

يبقى ما نقدرش نطبق خاصية الإبدال على الطرح. فتبقى الإجابة: لا، ما نقدرش نطبق خاصية الإبدال على الطرح؛ ناتج العملية هيتغير.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.