فيديو السؤال: التعرف على المئات في صورة ١٠ مجموعات من العشرات‎‎ الرياضيات

نسخة الفيديو النصية

أوجد الطريقة الصحيحة لوصف العدد تسعمية. أ: تسعين مجموعة من عشر عشرات. ب: تسع مجموعات من الآحاد. ج: تسعمية مجموعة من عشر عشرات. وَ د: تسع مجموعات من عشر عشرات.

علشان نجاوب على السؤال ده، هنبدأ نحسب كل عبارة من العبارات الموجودة في الاختيارات دي. ونشوف بتساوي كام. وبعدين هنختار العبارة اللي بتوصف العدد تسعمية. وهو ده المطلوب. أول اختيار هو تسعين مجموعة من عشر عشرات. وكلمة عشر عشرات، معناها إننا ضربنا عشرة في عشرة. واللي بتساوي مية. فأول عبارة كده هتساوي تسعين في مية، واللي بتساوي تسعة آلاف. وبالتالي مش هيكون ده هو الاختيار الصحيح.

تاني اختيار هو تسع مجموعات من الآحاد. يعني كأننا ضربنا تسعة في واحد، واللي بيساوي تسعة. وبرضو مش هو ده الاختيار الصحيح. وتالت اختيار هو تسعمية مجموعة من عشر عشرات. يعني تسعمية مجموعة من مية. فكأننا ضربنا تسعمية في مية، واللي بتساوي تسعين ألف. فهتكون إجابة خاطئة.

وآخر اختيار هو تسع مجموعات من عشر عشرات. عشر عشرات بيساوي مية. وتسع مجموعات من مية، يعني كأننا ضربنا تسعة في مية، واللي بيساوي تسعمية. وبالفعل هتكون هي دي الإجابة الصحيحة. والعبارة «تسع مجموعات من عشر عشرات» هي أدقّ وصف للعدد تسعمية.