فيديو: التحويل بين الملليلترات واللترات

يوضِّح الجدول التالي عدد زجاجات المياه الغازية المبيعة في متجر السيد كريم بالأمس. هل الكمية التي باعها أكثر من ١٠٠٠٠٠ ملليلتر؟

٠٢:٣١

‏نسخة الفيديو النصية

يوضح الجدول التالي عدد زجاجات المياه الغازية المَبيعة في متجر السيد كريم بالأمس. هل الكمية التي باعها أكثر من مية ألف ملليلتر؟ الزجاجة والعدد المبيع. لتر: تمنية وتلاتين. لتران: أربعة وأربعين.

معطى في السؤال جدول يوضح عدد الزجاجات المبيعة في متجر السيد كريم بالأمس. مطلوب نعرف هل الكمية التي باعها أكثر من مية ألف ملليلتر؟ نعم أم لا؟

هنفكر إزاي؟ هنلاحظ إن فيه نوعين من الزجاجات. فيه زجاجات سعتها لتر ودول عددهم تمنية وتلاتين. وفيه زجاجات سعتها لتران ودول عددهم أربعة وأربعين. عشان نجيب الكمية المباعة كلها هضرب عدد الزجاجات التي سعتها لتر، في السعة اللي هي واحد لتر. وهضرب عدد الزجاجات التي سعتها لتران، في السعة اللي هي لتران.

يعني أقدر أقول إن الكمية المباعة هتساوي واحد لتر في عدد الزجاجات، زائد اتنين لتر في عدد الزجاجات. يعني هتساوي واحد في تمنية وتلاتين، زائد اتنين في أربعة وأربعين. لمّا هنحسب الكمية دي هنلاقيها مية ستة وعشرين لتر. وبكده هيكون جِبنا الكمية المباعة باللتر.

عشان نقدر نقارنها بالكمية اللي معطاة في السؤال اللي مية ألف ملليلتر، هنحوّل اللتر إلى ملليلتر. بما إنه الواحد لتر هيساوي ألف ملليلتر. يعني أقدر أقول إنه المية ستة وعشرين لتر عشان أحولها إلى ملليلتر، هضرب مية ستة وعشرين في ألف. يعني هتساوي مية ستة وعشرين ألف ملليلتر. وهي دي الكمية المباعة. هنقارن الكمية المباعة بالكمية اللي معطاة في السؤال. هنستنتج إنه المية ستة وعشرين ألف ملليلتر أكبر من المية ألف ملليلتر. وبكده أقدر أقول إنه الإجابة نعم. إنه الكمية التي باعها أكثر من مية ألف ملليلتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.