تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حساب قيم التوقع

أحمد لطفي

أوجد التوقع للمتغير العشوائي ﺱ الذي يوضح الشكل التالي توزيعه الاحتمالي.

٠٢:٣٤

‏نسخة الفيديو النصية

أوجد التوقع للمتغير العشوائي س، الذي يوضح الشكل التالي توزيعه الاحتمالي.

في البداية لو عايزين نشوف القانون المستخدَم لحساب التوقع، فالتوقع بيساوي مجموع س ر مضروبة في د س ر، من ر بتساوي واحد لحدّ ن. معطى إن قيم س عندنا: واحد، واتنين، وتلاتة، وأربعة. وبالتالي عشان نقدر نوجد التوقع، فهيساوي س واحد اللي هي أول قيمة لـ س مضروبة في د س واحد اللي هي قيمة الدالة عند س واحد، زائد س اتنين مضروبة في د س اتنين، زائد س تلاتة مضروبة في د س تلاتة، زائد س أربعة مضروبة في د س أربعة.

يعني التوقع هيساوي س واحد اللي هي أول قيمة لـ س هي واحد مضروبة في د س واحد اللي هي قيمة الدالة عند س واحد، فهنلاحظ إن القيمة هتكون اتنين من عشرة، بالتالي هيكون عندنا واحد مضروب في اتنين من عشرة؛ زائد س اتنين اللي هي تاني قيمة لـ س، هنلاحظ إنها بتساوي اتنين، مضروبة في قيمة الدالة عند س اتنين، فهنلاحظ إن قيمة الدالة عند س اتنين بتلاتة من عشرة، وبالتالي هيكون عندنا اتنين مضروبة في تلاتة من عشرة؛ زائد س تلاتة اللي هي تالت قيمة لـ س، فهنلاحظ إن تالت قيمة لـ س هتكون هي تلاتة، فهيكون عندنا تلاتة مضروبة في د س تلاتة، يعني قيمة الدالة عند س بتساوي تلاتة، فهنلاحط إن قيمة الدالة هتكون تلاتة من عشرة، وبالتالي هيكون عندنا تلاتة مضروبة في تلاتة من عشرة؛ زائد س أربعة، هنلاحظ إن س أربعة هتساوي أربعة، مضروبة في د س أربعة، يعني قيمة الدالة عند س بتساوي أربعة، فهنلاحظ إن قيمة الدالة هتكون اتنين من عشرة، وبالتالي هيكون عندنا أربعة مضروبة في اتنين من عشرة.

يعني التوقع هيساوي واحد في اتنين من عشرة، هيساوي اتنين من عشرة؛ زائد اتنين في تلاتة من عشرة، هيساوي ستة من عشرة؛ زائد تلاتة مضروبة في تلاتة من عشرة، هيساوي تسعة من عشرة؛ زائد أربعة مضروبة في اتنين من عشرة، هتساوي تمنية من عشرة.

يعني التوقع هيساوي اتنين وخمسة من عشرة. بالتالي قدرنا نوجد التوقع للمتغير العشوائي س.