فيديو: تكوين وحل نظام من المعادلات الخطية لإيجاد عددين بمعلومية الفرق بينهما ومضاعف مجموعهما

الفرق بين عددين يساوي ٩. ضِعف مجموع العددين يساوي ١٠. أوجد هذين العددين.

٠٢:٠٤

‏نسخة الفيديو النصية

الفرق بين عددين يساوي تسعة. ضِعف مجموع العددين يساوي عشرة. أوجد هذين العددين.

عندنا عددين مجهولين. هنفترض أن العددين هما س وَ ص. يبقى فرضنا إن العددين س وَ ص. الفرق بينهم بيساوي تسعة. يعني معنى كده إن س ناقص ص بيساوي تسعة. ودي المعادلة الأولى. ضِعف مجموع العددين يساوي عشرة. مجموع العددين اللي هو س زائد ص. ضعفه، يعني ده مضروب في اتنين، بيساوي عشرة. ودي المعادلة الثانية.

ومن المعادلة الأولى نقدر نقول: إن س بيساوي تسعة زائد ص، ونعوّض بيها في المعادلة الثانية. معنى التعويض هو إن إحنا هنشيل قيمة س ونحطّ قيمتها اللي هي تسعة زائد ص. هنشيل س ونحطّ تسعة زائد ص، زائد ص بيساوي عشرة. ولو قسمنا الطرفين على اتنين؛ اتنين على اتنين فيها واحد، وعشرة على اتنين بيساوي خمسة. وبكده يبقى تسعة زائد اتنين ص بيساوي خمسة. هنضيف للطرفين سالب تسعة. وهيبقى اتنين ص بيساوي خمسة ناقص تسعة، اللي هي سالب أربعة. اتنين على اتنين فيها واحد. سالب أربعة على اتنين فيها سالب اتنين. وهيبقى قيمة ص بتساوي سالب اتنين.

حصلنا على قيمة ص. نعوّض بيها في أيّ معادلة من المعادلات اللي عندنا. أسهل معادلة هي إن س بيساوي تسعة زائد ص. هيبقى س بيساوي تسعة زائد سالب اتنين. تسعة زائد سالب اتنين يعني تسعة ناقص اتنين. وده بيساوي سبعة.

وبكده قدرنا نوصل إلى إن س يساوي سبعة وَ ص يساوي سالب اتنين. وهيبقى العددان هما: سالب اتنين، وسبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.