فيديو: استخدام خواص المستقيمات المتوازية لحل مسألة ما

باستخدام المعلومات التي في الشكل، أوجد طول القطعة المستقيمة ﻫﻑ.

٠٢:٠٥

‏نسخة الفيديو النصية

باستخدام المعلومات التي في الشكل. أوجد طول القطعة المستقيمة ﻫ ف.

بالنسبة للشكل اللي عندنا فهنلاقي تلات مستقيمات متوازية، همّ المستقيم أ د، والمستقيم ب ﻫ، والمستقيم ج ف. وكمان عندنا المستقيمين أ ج وَ د ف قاطعين للمستقيمات أ د وَ ب ﻫ وَ ج ف. وعندنا لو قطع قاطعان تلات مستقيمات متوازية أو أكتر، فهتكون أطوال أجزاء القاطعين متناسبة.

معنى كده إن هيبقى طول القطعة المستقيمة ﻫ ف على طول القطعة المستقيمة د ﻫ، يساوي طول القطعة المستقيمة ب ج على طول القطعة المستقيمة أ ب. ومن خلال الشكل اللي عندنا هنلاقي إن طول القطعة المستقيمة د ﻫ تمنية وأربعين سنتيمتر. وطول القطعة المستقيمة ب ج مية واحد وأربعين سنتيمتر. وطول القطعة المستقيمة أ ب سبعة وأربعين سنتيمتر. فهنعوّض في التناسب اللي عندنا عن طول القطعة المستقيمة د ﻫ، وطول القطعة المستقيمة ب ج، وطول القطعة المستقيمة أ ب. فلمّا هنعوّض هيبقى عندنا طول القطعة المستقيمة ﻫ ف على تمنية وأربعين، يساوي مية واحد وأربعين على سبعة وأربعين.

بعد كده هنستفيد من التناسب اللي عندنا بإن حاصل ضرب الطرفين يساوي حاصل ضرب الوسطين. يعني هيبقى طول القطعة المستقيمة ﻫ ف في سبعة وأربعين، يساوي تمنية وأربعين في مية واحد وأربعين. وتمنية وأربعين في مية واحد وأربعين يساوي ست آلاف سبعمية تمنية وستين. يعني هيبقى طول القطعة المستقيمة ﻫ ف في سبعة وأربعين يساوي ست آلاف سبعمية تمنية وستين.

بعد كده علشان نوجد طول القطعة المستقيمة ﻫ ف هنقسم طرفَي المعادلة دي على سبعة وأربعين. فلمّا هنقسم طرفَي المعادلة على سبعة وأربعين، هنلاقي إن طول القطعة المستقيمة ﻫ ف يساوي مية أربعة وأربعين سنتيمتر. بكده يبقى إحنا أوجدنا طول القطعة المستقيمة ﻫ ف، وهو يساوي مية أربعة وأربعين سنتيمتر. وهو ده المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.