فيديو: إيجاد أكبر عدد صحيح تنتج عنه قيمة محدَّدة عند تقريبه لأقرب عشرة

ما أكبر عدد صحيح إذا قُرِّب إلى أقرب عشرة يكون الناتج ١‎‎١٩٠؟

٠١:٤١

‏نسخة الفيديو النصية

ما أكبر عدد صحيح إذا قُرِّب إلى أقرب عشرة يكون الناتج ألف مية وتسعين؟

في المثال ده عايزين نجيب أكبر عدد صحيح لو قرّبناه لأقرب عشرة، هيكون الناتج هو العدد ألف مية وتسعين. العدد ألف مية وتسعين مكوّن من أربع أرقام. والرقم الموجود في خانة العشرات اللي عايزين نقرّب ليه هو تسعة.

وقاعدة التقريب بتقول إنه لو كان رقم خانة الآحاد أربعة أو تلاتة أو اتنين أو واحد، يعني أقل من خمسة؛ فساعتها مش هيتغير رقم العشرات، ورقم الآحاد هيكون صفر.

أما لو كان رقم الآحاد أكبر من خمسة، فبنزود رقم العشرات بمقدار واحد، وبرضو رقم الآحاد هيكون صفر.

وبكده العدد اللي عايزين نجيبه هيكون رقم العشرات فيه هو تسعة برضو؛ لأننا عايزين نجيب أكبر عدد. وبالشكل ده رقم العشرات ما اتغيرش. علشان كده هنطبق القاعدة الأولى دي في العدد المتقرّب اللي عندنا ده اللي هو ألف مية وتسعين؛ لأن رقم العشرات ما اتغيرش، ورقم الآحاد بيساوي صفر. فبالتالي هيكون رقم الآحاد للعدد اللي عايزين نجيبه هو العدد أربعة، أو تلاتة، أو اتنين، أو واحد.

بس نفتكر إننا عايزين نجيب أكبر عدد، وأكبر عدد فيهم هو الأربعة. معنى كده إنه رقم خانة الآحاد هيكون أربعة. وخانة المئات والألوف هيكونوا زي ما همّ. وبالتالي هيكون العدد ألف مية أربعة وتسعين هو العدد اللي لمّا نقربه لأقرب عشرة هيكون الناتج ألف مية وتسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.