فيديو: إيجاد متوسط تغيُّر دالة كثيرة الحدود بين نقطتين

أوجد التغير في د(ﺱ) = −٣ﺱ^٢ + ٨ﺱ − ٢؛ حيث تتغير ﺱ من ٨ إلى ٨٫٤.

٠٢:٠١

‏نسخة الفيديو النصية

اوجد التغيُّر في د س يساوي سالب تلاتة س تربيع، زائد تمنية س، ناقص اتنين. حيث تتغيَّر الـ س من تمنية إلى تمنية وأربعة من عشرة.

التغيُّر في دالة د، عندما تتغيَّر الـ س من س واحد إلى س اتنين، بيُعطَى بالعلاقة: د س اتنين ناقص د س واحد. هنا معطى إن الـ س واحد تمنية، والـ س اتنين تمنية وأربعة من عشرة. عايزين نوجد التغيُّر في الدالة. يبقى التغيُّر في د س هيساوي قيمة الدالة عند التمنية وأربعة من عشرة، ناقص قيمة الدالة عند التمنية.

هنعوّض في الدالة المعطاة مرة بتمنية وأربعة من عشرة، ومرة بتمنية، ونطرحهم من بعض. يبقى هتساوي سالب تلاتة … س تربيع هنحطّها مرة تمنية وأربعة من عشرة، زائد التمنية في تمنية وأربعة من عشرة، ناقص اتنين. كل ده بيعبّر عن الدالة عند التمنية وأربعة من عشرة. ناقص الدالة عند تمنية، يبقى سالب تمنية [تلاتة] في تمنية تربيع، زائد تمنية في تمنية، ناقص اتنين.

الإشارة السالبة دي هنضربها في القوس ده هتخلّي دي موجبة، ودي سالبة، ودي موجبة. هنا فيه ناقص اتنين، وهنا زائد اتنين، يبقى قيمتهم صفر. يبقى هيساوي سالب ميتين وحداشر وتمنية وستين من مية، زائد سبعة وستين واتنين من عشرة، زائد مية اتنين وتسعين، ناقص أربعة وستين. يبقى التغيُّر هيساوي سالب ستاشر وتمنية وأربعين من مية. وهي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.