فيديو: إيجاد عزم دوران جسم بمعلومية القوة الخطية المؤثِّرة عليه والمسافة إلى مركز الدوران

عند فتح باب، ندفعه بشكل عمودي بقوة 55.0N، على مسافة 0.850m من المفصلات. ما عزم الدوران حول المفصلات؟

٠١:٢٠

‏نسخة الفيديو النصية

عند فتح باب، ندفعه بشكل عمودي بقوة خمسة وخمسين نيوتن، على مسافة تمنمية وخمسين من الألف متر من المفصلات. ما عزم الدوران حول المفصلات؟

لو بصّينا على باب من فوق، هنلاقي إن إحنا عشان نفتحه بنزقّه بقوة من عند المقبض كده. فالباب بيروح متحرك ولافف حوالين المفصلة اللي متعلقة في الحيطة. فحركة الدوران دي بيبقى المسبِّب بتاعها حاجة اسمها عزم الدوران. وعزم الدوران ده بيتناسب طرديًّا مع المسافة ما بين النقطة اللي بتأثّر فيها القوة بتاعتي، وما بين النقطة بتاعة المفصلات.

وعلشان كده دايمًا مقابض البيبان بتبقى موجودة في طرف الباب زي ده. إنما لو جِبنا مقبض باب وحطيناه في النص زي ده، هنلاقي إن إحنا عشان نفتح الباب هنحتاج نبذل قوة أكتر. عشان ساعتها المسافة 𝑟 بقت أقل. وعزم الدوران بيتناسب طرديًّا كمان مع القوة العمودية على المسافة 𝑟. فهنلاقي إن عزم الدوران بيساوي 𝐹 في 𝑟.

فعلشان نجيب عزم الدوران اللي بنأثّر بيه على الباب علشان يلف. هنعوّض بالمعطيات بتاعتنا. وهنلاقيه بيساوي خمسة وخمسين نيوتن في خمسة وتمانين من المية متر. اللي بيساوي ستة وأربعين وتمنية من العشرة نيوتن متر. وبكده يبقى عرفنا نجيب عزم الدوران اللي بنأثّر بيه على الباب لمّا نفتحه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.