فيديو: فهم القيمة المكانية في عدد مكون من عدة أرقام

ما العدد الذي يوضِّحه الشكل الآتي؟

٠١:٣١

‏نسخة الفيديو النصية

ما العدد الذي يوضِّحه الشكل الآتي؟

عاوزين نعرف إيه العدد اللي الشكل اللي قدامنا ده بيوضّحه. الشكل اللي قدامنا ده عبارة عن عدَّاد فيه أربع خانات: الآحاد، والعشرات، والمئات، والألوف.

خانة الآحاد فيها: واحد، اتنين؛ كورتين. فده معناه إن الآحاد فيها اتنين. وخانة العشرات فيها كورة واحدة. فده معناه إن العشرات فيها واحد. خانة المئات فيها: واحد، اتنين، تلاتة، أربعة، خمسة، ستة، سبعة، تمنية، تسعة؛ فيها تسعة. وأمَّا خانة الألوف، ففيها واحد، اتنين. فيها إيه؟ اتنين.

فإيه بقى العدد اللي بيوضّحه العدَّاد؟ العدَّاد قال لنا: إن العدد بتاعنا فيه اتنين في الآحاد، وواحد في العشرات، وتسعة في المئات، واتنين في الألوف. يعني ألفين تسعمية واتناشر. هو ده العدد اللي العدَّاد بتاعنا وضَّحه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.