تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد نظام المتباينات الذي يُمثِّله رسم بياني مُعطًى

أحمد مدحت

أوجد نظام المتباينات الذي يمثل الشكل التالي حلًّا له.

٠١:٠٥

‏نسخة الفيديو النصية

عندنا في المثال شكل وعايزين نوجد نظام المتباينات اللي الشكل ده بيمثل الحل ليه.

من خلال الشكل اللي عندنا هنلاحظ إن الخطين اللي بيحددوا نظام المتباينات هم محور السينات ومحور الصادات. وبالنسبة لمحور السينات معادلته هي ص تساوي صفر، أما محور الصادات فمعادلته هي س تساوي صفر.

كمان هنلاحظ من خلال الشكل اللي عندنا إن محور السينات عبارة عن خط متصل، والمنطقة اللي فوقيه هي اللي متظلّلة؛ معنى كده إن هيبقى ص أكبر من أو تساوي صفر هي واحدة من متباينات النظام اللي الشكل اللي عندنا بيمثل حل ليه. كمان هنلاحظ إن محور الصادات خط متصل، والمنطقة اللي على يمينه هي اللي متظلّلة؛ معنى كده إن المتباينة التانية من متباينات النظام هي س أكبر من أو تساوي صفر.

بكده نقدر نقول إن نظام المتباينات هو ص أكبر من أو تساوي صفر، و س أكبر من أو تساوي صفر.