تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد صيغة الميل ونقطة لمعادلة التمثيل البياني للخط المستقيم

أحمد لطفي

اكتب معادلة تُمثَّل بالرسم البياني الموضَّح. اكتب إجابتك في الصورة ﺹ − ﺃ = ﻡ(ﺱ − ﺏ). [أ] ﺹ − ٢ = ٣(ﺱ − ٥) [ب] ﺹ − ٥ = ٣/١(ﺱ − ٢) [ج] ﺹ − ٥ = ٣(ﺱ − ٢) [د] ﺹ − ٢ = ٣/١(ﺱ − ٥) [ﻫ] ﺹ − ٥ = −٣(ﺱ − ٢)

٠٢:٤٦

‏نسخة الفيديو النصية

اكتب معادلة تُمثَّل بالرسم البياني الموضح. اكتب إجابتك في الصورة: ص ناقص أ بتساوي م مضروبة في س ناقص ب.

معطى خمس اختيارات. الاختيار أ: ص ناقص اتنين بتساوي تلاتة مضروبة في س ناقص خمسة. الاختيار ب: ص ناقص خمسة بتساوي واحد على تلاتة مضروبة في س ناقص اتنين. الاختيار ج: ص ناقص خمسة بتساوي تلاتة مضروبة في س ناقص اتنين. الاختيار د: ص ناقص اتنين بتساوي واحد على تلاتة مضروبة في س ناقص خمسة. الاختيار هـ: ص ناقص خمسة بتساوي سالب تلاتة مضروبة في س ناقص اتنين.

في البداية التمثيل البياني الموضح معطى عندنا نقطة، محتاجين نوجد إحداثيات النقطة دي. فعشان نوجد الإحداثي السيني هيكون اتنين. والإحداثي الصادي هيكون خمسة. وبالتالي إحداثيات النقطة هتكون اتنين وخمسة. وبالنسبة للصورة ص ناقص أ بتساوي م مضروبة في س ناقص ب، أ بيكون هو الإحداثي الصادي لأي نقطة. وَ ب بتكون هي الإحداثي السيني لنفس النقطة. وبالتالي هيكون عندنا النقطة ب وَ أ.

يبقى لو عايزين نكتب معادلة الممثلة بالرسم البياني، هتكون ص ناقص … الإحداثي الصادي للنقطة هي خمسة، بتساوي م مضروبة في س ناقص … الإحداثي السيني اللي هو اتنين.

تاني خطوة محتاجين نوجد ميل الخط المستقيم. أول حاجة عندنا النقطة اتنين وخمسة. هنختار نقطة أخرى على الخط المستقيم، مثلًا النقطة صفر وسالب واحد. عشان نقدر نوجد الميل، هنتحرّك من النقطة صفر وسالب واحد؛ عشان نوصل للنقطة اتنين وخمسة. وهنشوف اتحرّكنا كام خانة في الاتجاه الموجب لمحور السينات، وكام خانة في الاتجاه الموجب لمحور الصادات.

في البداية هنجد إننا هنتحرّك خانتين في الاتجاه الموجب لمحور السينات. وهنجد إننا هنتحرّك ست خانات في الاتجاه الموجب لمحور الصادات. ويبقى الميل هيساوي عدد الخانات اللي في الاتجاه الموجب لمحور الصادات، مقسوم على عدد الخانات اللي في الاتجاه الموجب لمحور السينات. يعني الميل هيساوي ستة على اتنين. يعني ممكن نكتبها في صورة تلاتة. ويبقى الميل هيساوي تلاتة. يبقى المعادلة الممثلة بالرسم البياني هتكون: ص ناقص خمسة هتساوي … هنعوّض على الميل بتلاتة، مضروب في س ناقص اتنين.

يبقى كده قدرنا نوجد المعادلة ممثَّلة بالتمثيل البياني، اللي هي كانت الاختيار ج.