فيديو: حل المسائل الكلامية التي تتضمن الضرب في ١٠٠٠

محلٌّ متوسط ربحه في أسبوع ١٠٠٠ جنيه. ما مقدار الربح في ٩٩ أسبوعًا؟

٠١:٠٨

‏نسخة الفيديو النصية

محل متوسط ربحه في أسبوع ألف جنيه. ما مقدار الربح في تسعة وتسعين أسبوعًا؟

عرفنا في المثال ده إن مقدار الربح للمحل في الأسبوع الواحد بيساوي ألف جنيه. ودلوقتي علشان نعرف مقدار الربح خلال تسعة وتسعين أسبوع. فهنجيب حاصل ضرب مقدار الربح في الأسبوع الواحد اللي هو ألف جنيه، في عدد الأسابيع اللي هو تسعة وتسعين.

يا ترى العدد ألف مضروب في العدد تسعة وتسعين هيساوي كام؟ أول حاجة هنشوفها إن مقادير الضرب دي فيها كام صفر؟ فيها تلاتة. وبالتالي ناتج الضرب هيكون فيه نفس عدد الأصفار اللي هو تلاتة. وتاني حاجة هنضرب واحد في تسعة وتسعين، واللي بيساوي تسعة وتسعين. معنى كده إن حاصل ضرب الألف في تسعة وتسعين هو العدد تسعة وتسعين ألف. وبكده نقدر نقول إنه خلال تسعة وتسعين أسبوع، المحل ده هتكون متوسط أرباحه تسعة وتسعين ألف جنيه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.