فيديو: جمع الأعداد المكونة من ثلاثة أرقام مع إعادة التجميع

سارة سليمان

يوضح الفيديو طريقة إعادة تجميع الآحاد لجمع الأعداد المكوَّنة من ثلاثة أرقام.

٠٦:٣٤

‏نسخة الفيديو النصية

هنتكلّم عن جمع الأعداد المكوّنة من تلات أرقام مع إعادة التجميع.

هنتعلّم إزّاي نجمع الأعداد المكوّنة من تلات أرقام مع إعادة تجميع الآحاد في الأول. هناخد مثال: أوجد ناتج جمع مية خمسة وتلاتين زائد تلتمية تمنية وعشرين.

الخطوة الأولى: هعمل نموذج يمثّل كلّ من العددين، زيّ ما هو موضّح قدامي. هبتدي بجمع الآحاد، وأعيد تجميع الآحاد إذا كانت عشر آحاد أو أكتر. بحيث إن كل عشر آحاد هعيد تجميعها بواحد عشرات في خانة العشرات. يعني هنا هلاحظ إن عندي خمس آحاد زائد تمن آحاد، هيساوي تلتاشر آحاد. هعيد تجميع تلتاشر آحاد إلى تلات آحاد وواحد عشرات. إذن هكتب في خانة الآحاد تلاتة، وهكتب واحد في خانة العشرات.

الخطوة رقم اتنين: اجمع العشرات. تلات عشرات زائد اتنين عشرات هيساوي خمس عشرات. زائد واحد عشرات هيساوي ست عشرات. الخطوة رقم تلاتة: اجمع المئات. واحد مئات زائد تلات مئات هيساوي أربع مئات. وبكده أقدر أقول: إنه مية خمسة وتلاتين زائد تلتمية تمنية وعشرين هيساوي ربعمية تلاتة وستين.

هنكمّل في الصفحة اللي جايّة، وناخد مثال. أوجد ناتج جمع كلّ ممَّا يلي: رقم واحد: ربعمية ستة وتلاتين زائد ميتين خمسة وأربعين.

الخطوة الأولى: هكتب كلّ من العددين ربعمية ستة وتلاتين زائد ميتين خمسة وأربعين. هبتدي بجمع الآحاد. ست آحاد زائد خمس آحاد هيساوي حداشر آحاد. هعيد تجميع حداشر آحاد إلى واحد آحاد وواحد عشرات. الخطوة رقم اتنين: هنجمع العشرات. تلات عشرات زائد أربع عشرات هيساوي سبع عشرات. زائد واحد عشرات هيساوي تمن عشرات. الخطوة رقم تلاتة: هنجمع المئات. أربع مئات زائد اتنين مئات هيساوي ست مئات. وبكده أقدر أقول: إنه ربعمية ستة وتلاتين زائد ميتين خمسة وأربعين هيساوي ستمية واحد وتمانين.

سؤال رقم اتنين: مية سبعة وعشرين زائد ستمية تمنية وأربعين.

في البداية، هكتب كلّ من الرقمين: مية سبعة وعشرين زائد ستمية تمنية وأربعين. هبتدي بجمع الآحاد. سبع آحاد زائد تمن آحاد هيساوي خمستاشر آحاد. هعيد تجميع خمستاشر آحاد إلى خمس آحاد وواحد عشرات. دلوقتي هجمع العشرات. اتنين عشرات زائد أربع عشرات هيساوي ست عشرات. زائد واحد عشرات هيساوي سبع عشرات. وأخيرًا هجمع المئات. واحد مئات زائد ست مئات هيساوي سبع مئات. وبكده أقدر أقول: إنه مية سبعة وعشرين زائد ستمية تمنية وأربعين هيساوي سبعمية خمسة وسبعين.

هنكمّل في الصفحة اللي جايّة. هبتدي شرح إعادة تجميع العشرات بالمثال التالي: اجمع تلتمية خمسة وسبعين زائد ربعمية اتنين وستين.

الخطوة الأولى: هكتب كلّ من العددين: تلتمية خمسة وسبعين زائد ربعمية اتنين وستين. وهرسم نموذج لكلّ من العددين. خمس آحاد زائد اتنين آحاد هيساوي سبع آحاد. هنكمّل في الصفحة اللي جايّة. الخطوة التانية: هنجمع العشرات. سبع عشرات زائد ست عشرات هيساوي تلتاشر عشرة. هنعيد تجميعها إلى تلات عشرات وواحد مئات، زيّ ما هو موضّح قدامي. يعني هكتب في خانة العشرات تلاتة، وهكتب فوق خانة المئات واحد. خطوة رقم تلاتة … هنكمّل في الصفحة اللي جايّة. خطوة رقم تلاتة: هنجمع المئات. تلات مئات زائد أربع مئات، زيّ ما هو موضّح قدامي في النموذج، زائد واحد مئات هيساوي تمن مئات. وبكده أقدر أقول: إنه تلتمية خمسة وسبعين زائد ربعمية اتنين وستين هيساوي تمنمية سبعة وتلاتين.

هنكمّل في الصفحة اللي جايّة. اجمع ستمية تسعة وتمانين زائد مية تسعة وعشرين.

في البداية، هكتب العدد الأولاني ستمية تسعة وتمانين زائد مية تسعة وعشرين. الخطوة رقم واحد: هنجمع الآحاد. تسع آحاد زائد تسع آحاد هيساوي تمنتاشر آحاد. هعيد تجميعها إلى تمن آحاد وواحد عشرات. هكتب تمنية في خانة الآحاد، وهكتب واحد في خانة العشرات. خطوة رقم اتنين: هنجمع العشرات. تمن عشرات زائد اتنين عشرات هيساوي عشر عشرات. زائد واحد عشرات يعني حداشر عشرة. هعيد تجميع حداشر عشرة إلى واحد عشرات وواحد مئات. فهكتب واحد في خانة العشرات وواحد في خانة المئات. وأخيرًا هجمع المئات. ست مئات زائد واحد مئات هيساوي سبع مئات. زائد واحد مئات هيساوي تمن مئات. وبكده أقدر أقول: إنه ستمية تسعة وتمانين زائد مية تسعة وعشرين هيساوي تمنمية وتمنتاشر.

وبكده هنكون اتعلّمنا إزّاي نجمع الأعداد المكوّنة من تلات أرقام عن طريق إعادة تجميع الآحاد والعشرات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.