نسخة الفيديو النصية
حل المعادلة: اتنين س تربيع زائد تمنية بتساوي صفر، في مجموعة الأعداد المركبة. هنكتب المعادلة مرة كمان فهتكون بالشكل ده، أول خطوة هنطرح تمنية من الطرفين، فهيكون عندنا اتنين س تربيع بتساوي سالب تمنية، هنقسم الطرفين على اتنين فهيكون عندنا س تربيع هتساوي سالب أربعة، بأخذ الجذر التربيعي للطرفين هيكون عندنا، سين بتساوي موجب أو سالب الجذر التربيعي لسالب أربعة؛ يعني س هتساوي موجب أو سالب، والجذر التربيعي لسالب أربعة ممكن نكتبها على صورة الجذر التربيعي لسالب واحد في أربعة، يعني س هتساوي موجب أو سالب الجذر التربيعي لسالب واحد في الجذر التربيعي لأربعة، وبما إن الجذر التربيعي لسالب واحد هتساوي ت، والجذر التربيعي لأربعة هتساوي اتنين، فهيبقى عندنا س هتساوي موجب أو سالب اتنين ت؛ يبقي كده نقدرنا نحل المعادلة اتنين س تربيع زائد تمنية بتساوي صفر في مجموعة الأعداد المركبة، وكان الحل س بتساوي موجب أو سالب اتنين ت.
