فيديو: العلاقة بين الجمع والطرح

أماني يوسف

العبارتان العدديتان الآتيتان في كلٍّ منهما عدد مفقود: ٩ − ٦ = _، ٦ + _ = ٩ أيُّ عدد يكمِّل كلتا العبارتين العدديتين؟

٠٣:٠٢

‏نسخة الفيديو النصية

العباراتان العدديتان الآتيتان في كلٍّ منهما عدد مفقود. أي عدد يُكْمل كلتا العبارتين العدديتين؟

عندنا العبارة دي، والعبارة دي؛ العبارة الأولى تسعة ناقص ستة يساوي نقط، العبارة التانية ستة زائد نقط يساوي تسعة. عاوزين نعرف نحط إيه هنا، أي عدد نحطه هنا، ونحط إيه هنا؛ علشان نكون كمّلنا بشكل صحيح. وناخد بالنا إن العدد اللي هنا هو هو نفسه هيكون العدد اللي هنا.

فنيجي للعبارة الأولى تسعة ناقص ستة، يعني هنطلّع تسع صوابع على إيدينا: واحد، اتنين، تلاتة، أربعة، خمسة، ستة، سبعة، تمنية، تسعة؛ آدي تسع صوابع طلّعناهم على إيدينا، هنشيل منهم … تسعة ناقص ستة، يعني هنشيل منهم ستة، فنشطب على ست صوابع: واحد، اتنين، تلاتة، أربعة، خمسة، ستة؛ اتبقّى كام صابع ما شطبناش عليه؟ هنلاقي إن دي هي الصوابع اللي إحنا ما شطبناش عليها، واللي هي كام صابع؟ واحد، اتنين، تلاتة؛ يبقى الناتج تلاتة، تسعة ناقص ستة يساوي تلاتة.

ده بالنسبة للعبارة الأولى، دلوقتي هنحل العبارة التانية، وهي ستة زائد نقط يساوي تسعة. فهنطلّع ست صوابع على إيدينا، ونفضل نزوّد عليهم لحد ما نوصل للتسعة، ونشوف زوّدنا كام صابع. آدي الست صوابع: واحد، اتنين، تلاتة، أربعة، خمسة، ستة، وهنزوّد عليهم صوابع تانية لحد ما نوصل للتسعة، آدي صابع كمان بقوا سبعة، وآدي كمان صابع بقوا تمنية، وآدي كمان صابع بقوا تسعة؛ يبقى كده إحنا وصلنا للتسعة اللي إحنا محتاجينهم. زوّدنا كام صابع على الستة؟ هنلاحظ إن الصوابع دي هي اللي زادت على الستة، وهم كام صابع؟ هم: واحد، اتنين، تلاتة؛ يبقى إحنا زوّدنا على الستة تلاتة، علشان الناتج يكون تسعة.

ومن هنا نقدر نقول إن العدد اللي كمّلنا بيه العبارة الأولى والعبارة التانية هو التلاتة، وهي دي الإجابة الصحيحة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.