فيديو: كتابة وحل معادلات للصور التي تمثِّل جمع ثلاثة أعداد صحيحة

توضح هذه الصورة عدد الحيوانات الموجودة في مزرعة من كل نوع. أوجد جملة جمع تمثل إجمالي عدد الحيوانات. [أ] ٤ + ٦ + ٥ = ١٦ [ب] ٤ + ٥ + ٥ = ١٥ [ج] ٤ + ٦ + ٥ = ١٥

٠٢:٤٤

‏نسخة الفيديو النصية

توضح هذه الصورة عدد الحيوانات الموجودة في مزرعة، من كل نوع. أوجد جملة جمع تمثّل إجمالي عدد الحيوانات. أ: أربعة زائد ستة زائد خمسة تساوي ستاشر. ب: أربعة زائد خمسة زائد خمسة تساوي خمستاشر. ج: أربعة زائد ستة زائد خمسة تساوي خمستاشر.

عندنا مجموعات الحيوانات اللي قدامنا دي. وعاوزين نوجد جملة جمع، بتمثّل لنا عددهم. طيب هي الحيوانات دي، عبارة عن إيه؟ كتاكيت، وفراخ، وخرفان. طيب عندنا كام كتكوت؟ واحد، اتنين، تلاتة، أربعة، خمسة. نكتب فوقيهم عددهم خمسة. طب وبالنسبة للفراخ؟ واحد، اتنين، تلاتة، أربعة، خمسة، ستة. نكتب فوقيها ستة. وبالنسبة للخرفان؟ واحد، اتنين، تلاتة، أربعة. أربع خرفان. يبقى كده إحنا معانا عدد الكتاكيت خمسة، والفراخ ستة، والخرفان أربعة. عايزين بقى نعرف كلهم على بعضهم كده كام. فنجمع.

هنجمع إيه؟ عدد الكتاكيت اللي هو خمسة، زائد عدد الفراخ اللي هو ستة، زائد عدد الخرفان اللي هو إيه؟ أربعة. يساوي … نبدأ نعدّهم كلهم على بعض. واحد، اتنين، تلاتة، أربعة، خمسة. ستة، سبعة، تمنية، تسعة، عشرة، حداشر. اتناشر، تلتاشر، أربعتاشر، خمستاشر. يبقى عددهم كلهم كام؟ خمستاشر. يبقى هي دي جملة الجمع اللي إحنا أوجدناها، واللي بتمثّل إيه؟ عدد الحيوانات. خمسة زائد ستة زائد أربعة تساوي خمستاشر.

طيب هي أيّ اختيار مِ الاختيارات اللي قدامنا دي؟ هل هي: أربعة زائد ستة زائد خمسة تساوي ستاشر؟ لأة مش هو الاختيار الصح؛ لأن مجموعهم ستاشر. وإحنا المجموع بتاعنا خمستاشر. يبقى نستبعد الاختيار ده.

نيجي للي بعده: أربعة زائد خمسة زائد خمسة تساوي خمستاشر. طيب إحنا عندنا إيه؟ خمسة زائد ستة زائد أربعة. والاختيار ده في إيه؟ أربعة زائد خمسة زائد خمسة. يبقى برضو مش هو اللي صح.

نيجي لآخر اختيار: أربعة زائد ستة زائد خمسة تساوي خمستاشر. هو زيّه بالظبط؛ أربعة زائد ستة زائد خمسة تساوي خمستاشر. يبقى هو ده الاختيار الصح اللي إحنا المفروض نختاره.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.