فيديو: تحويل التمثيلات البيانية واستخدام العمليات الحسابية‎

أيٌّ من الأشكال الآتية التمثيل البياني للدالة د(س) = ١/جا(س)؟ [أ] شكل أ [ب] شكل ب [ج] شكل ج [د] شكل د

٠١:٣٢

‏نسخة الفيديو النصية

أيٌّ من الأشكال الآتية التمثيل البياني للدالة: د س يساوي واحد على جا س؟

عندنا أربع تمثيلات بيانية؛ عايزين نعرف أنهي فيهم التمثيل البياني للدالة: د س يساوي واحد على جا س. جا الزاوية صفر بيساوي صفر. يبقى واحد على جا س، لمّا س تئول إلى الصفر، جا صفر بيساوي صفر؛ يعني ص هتئول إلى ما لا نهاية.

يبقى لمّا س تئول إلى الصفر، ص هتئول إلى ما لا نهاية. وده اللي هيخلّي التمثيل ب، والتمثيل ج مرفوض. لأن في التمثيل ب عند س بتساوي صفر، أو بتئول إلى الصفر، كانت ص قيمتها واحد. والتمثيل ج لمّا كانت س بصفر كانت ص بصفر.

لو عوّضنا عن قيمة س بِـ 𝜋 على اتنين، جا 𝜋 على اتنين بيساوي واحد. يبقى واحد على جا س عند س يساوي 𝜋 على اتنين، ص اللي هي د س هيساوي واحد على جا س. يعني واحد على جا 𝜋 على اتنين، اللي هي بواحد. وده بيساوي واحد.

لو بصّينا على التمثيل د، هنلاقي إن عند س بتساوي 𝜋 على اتنين ص بتساوي صفر. يبقى التمثيل د كمان مرفوض. أمّا في التمثيل أ عند س يساوي 𝜋 على اتنين، كانت قيمة ص بتساوي واحد.

وهيبقى التمثيل البياني الصحيح للدالة د س يساوي واحد على جا س؛ هو: التمثيل أ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.