فيديو: حل المسائل الكلامية التي تتضمَّن طرح عددين عشريين

عند الغطس، شاهد بعض أخصائيّي علم المحيطات حوتًا أحدب طوله ١٣٫٧ م، وحوتًا قاتلًا طوله ٦٫٨٥ م. كم يزيد طول الحوت الأحدب عن الحوت القاتل؟

٠٢:٢٩

‏نسخة الفيديو النصية

عند الغطس شاهد بعض أخصائيّي علم المحيطات حوتًا أحدب، طوله تلتاشر وسبعة من عشرة متر. وحوتًا قاتلًا، طوله ستة وخمسة وتمانين من مية متر. كم يزيد طول الحوت الأحدب عن الحوت القاتل؟

يبقى عندنا في المسألة فيه نوعين من الحيتان. أحدهم الحوت الأحدب، وده طوله تلتاشر وسبعة من عشرة متر. والتاني الحوت القاتل، وطوله ستة وخمسة وتمانين من مية متر. المطلوب مننا كم يزيد طول الحوت الأحدب عن الحوت القاتل.

كلمة «كم يزيد» دي معناها، محتاجين نعرف الفرق في الأطوال بين الحوتين. يعني عايزين نجري عملية طرح. نطرح الطول بتاع الحوت القاتل من الطول بتاع الحوت الأحدب.

هنبدأ نجري عملية الطرح. نتأكد إن إحنا حاطّين العلامة العشرية في العددين تحت بعض بالظبط. وعشان العدد الأول يبقى له نفس عدد الأرقام زي العدد التاني، هنحطّ صفر على يمين السبعة. وده مش هيغيّر حاجة من قيمة العدد، ونبدأ نجري عملية الطرح. صفر ناقص خمسة، مش هينفع نطرح الخمسة من الصفر، عشان الخمسة أكبر من الصفر. فهنتحرّك للخانة المكانية اللي قبل الصفر اللي فيها سبعة. هنحوّل السبعة دي لستة، وناخد واحد. فيصبح الصفر اللي عندنا ده عشرة. دلوقتي نقدر نقول عشرة ناقص خمسة، فيبقى ناتج الطرح خمسة.

وبعدين نطرح الخانة المكانية اللي قبل كده. ستة ناقص تمنية. نفس الطريقة التمنية أكبر من الستة، فمش هينفع نطرحها من الستة. فكده عايزين نروح للخانة المكانية اللي قبلها، اللي هي على يسار العلامة العشرية. فيها الرقم تلاتة. التلاتة دي هناخد منه واحد، فهيصبح اتنين، ويصبح الستة اللي على يمين العلامة ستاشر.

دلوقتي نقول ستاشر ناقص تمنية، يبقى ناتج الطرح هنا تمنية. وننزّل العلامة العشرية في نفس المكان في الناتج. وبعدين نقول اتنين ناقص ستة، ما ينفعش نطرح الستة من الاتنين. يبقى هناخد الواحد من الخانة المكانية اللي قبلها، فهيصبح فيها صفر. والاتنين دي هتصبح اتناشر. دلوقتي اتناشر ناقص ستة، فناتج عملية الطرح هيبقى ستة. يبقى كده قدرنا نستنتج إن طول الحوت الأحدب بيزيد عن طول الحوت القاتل، بمقدار ستة وخمسة وتمانين من مية متر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.