فيديو: ضرب الأعداد العشرية في ١٠٠

احسب ٣٣٫٩٩٣ × ١٠٠.

٠١:٣٥

‏نسخة الفيديو النصية

احسب تلاتة وتلاتين وتسعمية تلاتة وتسعين من ألف، في مية.

عاوزين نعرف ناتج ضرب العدد العشري ده في مية هيكون بإيه. لمّا نيجي نضرب عدد عشري في مية بنبصّ على مكان العلامة. عندنا هنا العدد العشري بتاعنا هو تلاتة وتلاتين، وبعدين علامة، وتسعمية تلاتة وتسعين من ألف. معنى كده إن ده هو مكان العلامة.

لمّا نيجي نضرب في مية، بنحرّك العلامة حركتين في اتجاه اليمين. يعني كأننا هنمسك العلامة، ونحرّكها كده حركة عدّت التسعة دي. وكمان حركة عدّت التسعة دي. ووقفت هنا. يعني إيه؟ يعني العدد في شكله الجديد هيبقى تلاتة وتلاتين، والتسعة والتسعة ينزلوا. بعدين العلامة في مكانها الجديد، اللي إحنا قلنا هيكون هنا. بعدين التلاتة.

يبقى تاني؛ كل اللي إحنا عملناه إننا خدنا العلامة عدّيناها هنا حركة، كمان حركة؛ حركتين. فبقى مكانها هنا، بعد التسعة على طول. فأصبح الناتج تلات آلاف تلتمية تسعة وتسعين وتلاتة من عشرة. هي دي الإجابة الصحّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.