فيديو: الأعداد الزوجية والفردية

يوضح الفيديو كيفية تحديد كون العدد زوجيًّا أو فرديًّا باستخدام الأنماط، وأمثلة على ذلك.

٠٣:٠٧

‏نسخة الفيديو النصية

الأعداد الزوجية والفردية.

في الفيديو ده هنتعلم إزاي نوجد أنماط الأعداد الزوجية والفردية. الأعداد الزوجية والفردية بتتبّع نمط معيّن. نقدر نميّز إذا كان العدد اللي قدامنا زوجي، ولّا فردي. يعني مثلًا العدد ستة، هل هو عدد زوجي، ولّا عدد فردي؟ هنشوف دلوقتي. هيظهر قدامنا ست قطع عدّ. فهنحاول نرتّبها على شكل أزواج. يعني هنحطّ كل قطعتين مع بعض في دايرة، بالشكل ده. هنلاقي إن القطع كلها اترتّبت على شكل أزواج. وده معناه إن العدد ستة عدد زوجي.

مثال تاني. هل العدد سبعة زوجي، ولّا فردي؟ فهيظهر قدامنا سبع قطع عدّ. وهنحاول نرتّبهم على شكل أزواج. فهنحطّ كل قطعتين في دايرة، بالشكل ده. فهنلاقي إن فيه قطعة عدّ اتبقّت. وده معناه إن سبعة عدد فردي.

طيب، هل أربعة عدد زوجي، ولّا فردي؟ بنفس الطريقة، هيظهر قدامنا أربع قطع عدّ. وهنحطّ كل قطعتين مع بعض في دايرة. فإذا القطع كلها اترتّبت على شكل أزواج، يبقى العدد زوجي. فهنلاقي القطع كلها اترتّبت. وبالتالي أربعة عدد زوجي.

طيب، هل خمسة عدد زوجي، ولّا فردي؟ برضو هيظهر قدامنا خمس قطع عدّ. وهنرتّبهم على شكل أزواج. فهنحطّ كل قطعتين في دايرة، بالشكل ده. فهنلاقي فيه قطعة اتبقّت. وده معناه إن خمسة عدد فردي.

طيب، هل تلتاشر عدد زوجي، ولّا فردي. هيظهر قدامنا تلتاشر قطعة عدّ. وبرضو هنرتّبهم على شكل أزواج. فهيبقوا بالشكل ده. فهنلاقي إن فيه قطعة اتبقّت. وبالتالي تلتاشر عدد فردي.

مثال تاني. هل ستاشر عدد زوجي، ولّا فردي؟ هيظهر قدامنا ستاشر قطعة عدّ. وهنرتّبهم على شكل أزواج. فهيبقوا بالشكل ده. فهنلاقي القطع كلها اترتّبت على شكل أزواج. وبالتالي ستاشر عدد زوجي.

وبكده نبقى خلّصنا الفيديو ده. اللي اتعلّمنا فيه إزاي نوجد أنماط الأعداد الزوجية، والفردية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.