فيديو: تعيين الوسيط لمجموعة بيانات تتضمَّن أعدادًا عشرية

أوجد الوسيط للأعداد ٢٫٤، ١٫٩، ٦٫٣، ٩٫٩، ٩٫٤.

٠١:٣٧

‏نسخة الفيديو النصية

أوجد الوسيط للأعداد اتنين وأربعة من عشرة، واحد وتسعة من عشرة، ستة وتلاتة من عشرة، تسعة وتسعة من عشرة، تسعة وأربعة من عشرة.

أول خطوة بنعملها عشان نوجد الوسيط، هي إننا بنبتدي نرتّب مجموعة الأعداد اللي عندنا ترتيب تصاعدي أو تنازلي. بس إحنا دلوقتي هنرتّبهم ترتيب تصاعدي. فهنبتدي واحد وتسعة من عشرة. العدد اللي بعد كده هيبقى اتنين وأربعة من عشرة. بعدين ستة وتلاتة من عشرة. وبعدين عندنا تسعة وأربعة من عشرة. وآخر عدد وأكبر واحد فيهم هو تسعة وتسعة من عشرة.

والوسيط معناها القيمة اللي بتتوسّط مجموعة الأعداد اللي عندنا دي. بما إن الأعداد دي لو عدّيناهم هنلاقيهم واحد، اتنين، تلاتة، أربعة، خمسة؛ هم خمس أعداد؛ يعني أعداد فردية. فيبقى القيمة اللي بتتوسطهم هتبقى هي القيمة اللي في النص. نقدر نحصل عليها بإننا نحذف عدد من اليمين وعدد من الشمال. عدد من اليمين وعدد من الشمال. كده العدد اللي في النص اللي هو ستة وتلاتة من عشرة، هو ده الوسيط.

يبقى لو كان الأعداد اللي عندنا عددهم فردي فالوسيط هيبقى هو القيمة اللي في النص. والوسيط في حالتنا دي طلع ستة وتلاتة من عشرة. هو ده العدد اللي في النص بعد ما رتّبنا الأعداد ترتيب تصاعدي أو تنازلي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.