فيديو: تبسيط المقادير الكسرية

كريم علي

بسِّط ((ﺱ + ٤)(ﺱ + ٣))/((ﺱ + ٢)(ﺱ + ٤)) تبسيطًا كاملًا.

٠١:١٢

‏نسخة الفيديو النصية

بسّط س زائد أربعة، الكل مضروب في س زائد تلاتة؛ والكل مقسوم على س زائد اتنين، الكل مضروب في س زائد أربعة؛ تبسيطًا كاملًا.

البسط في المقدار المعطى في السؤال عبارة عن قوسين مضروبين في بعض، وكذلك المقام عبارة عن قوسين مضروبين في بعض. فأول حاجة نعملها إننا نبص على الأقواس اللي في البسط والأقواس اللي في المقام؛ علشان لو فيه أقواس مشتركة نقدر نختصرهم مع بعض. فلو عملنا كده هنلاقي إن القوس س زائد أربعة موجود في البسط، وكمان موجود في المقام.

في الحالة دي نقدر نختصر القوسين دول مع بعض، ويبقى المقدار المُعطى في السؤال هيساوي س زائد تلاتة، مقسوم على س زائد اتنين.

طيب دلوقتي البسط بقى فيه قوس واحد اللي هو س زائد تلاتة، والمقام في قوس واحد اللي هو س زائد اتنين، والقوسين دول مختلفين عن بعض. يبقى إحنا ما نقدرش نبسّط المقدار ده أكتر من كده، ويبقى هي دي أبسط صورة للمقدار المُعطى في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.